ឧក្រិដ្ឋជន​គ្រឿងញៀន​ប្រើ​ច្រកព្រំដែន​ស្ទឹង​ត្រែង​-​ឡាវ​ជា​ច្រក​សំខាន់​ឆ្លងកាត់

195

ខេត្តស្ទឹងត្រែង ៖ ខេត្តស្ទឹងត្រែង​នៅ​តែ​ជា​ច្រក​សំខាន់​មួយ​ដែល​ក្រុម​ឧក្រិដ្ឋជន​គ្រឿងញៀន​បាន​នាំ​ថ្នាំ​ញៀន​ឆ្លងកាត់​តាម​ច្រកព្រំដែន​ជាមួយ​ប្រទេស​ជិតខាង ហើយ​ក៏​ជា​ខេត្ត​ដែល​ងាយ​រង​គ្រោះ​ដោយ​បញ្ហា​គ្រឿងញៀន នេះ​បើ​តាម​ប្រសាសន៍​របស់​នាយ​ឧត្តមសេនីយ៍ ម៉ក់ ជី​តូ អគ្គលេខាធិការ​រង អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន​នៅ​ព្រឹក​ថ្ងៃ​ទី​១២ ខែធ្នូ ឆ្នាំ​២០១៨ នៅ​សាលា​ខេត្តស្ទឹងត្រែង ក្នុង​ពិធី​ប្រជុំ​ផ្សព្វផ្សាយ​របាយការណ៍​លទ្ធផល​ការងារ​ត្រួតពិនិត្យ​គ្រឿងញៀន នព្វ​មាស រយៈពេល​៩​ខែ ឆ្នាំ​២០១៨ របស់​អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន ។

Loading...

​នាយ​ឧត្តមសេនីយ៍ ម៉ក់ ជី​តូ បាន​បន្ត​ទៀត​ថា ដូចនេះ អ្នក​ពាក់ព័ន្ធ​ទាំងអស់​ត្រូវ​បន្ត​ខិតខំ បន្ថែម​ទៀត​លើ​ការងារ​ប្រយុទ្ធ​ប្រឆាំង​គ្រឿងញៀន​ដើម្បី​សុវត្ថិភាព​សហគមន៍ និង​សហការ​យ៉ាង​ជិត ស្និត​ជាមួយ​បណ្តា​ប្រទេស​ជាប់​ព្រំដែន ក្នុង​ការ​ទប់ស្កាត់​ការ​នាំ​គ្រឿងញៀន​ឆ្លង​ដែន​។

លោក​បាន​សាទរ​ចំពោះ​កិច្ច​ខិតខំ​ប្រឹងប្រែង​របស់​គណៈកម្មាធិការ​ត្រួតពិនិត្យ​គ្រឿងញៀន​ខេត្ត​ក្នុងភូមិ​សាស្ត្រ​ខេត្តស្ទឹងត្រែង ដែល​បាន​តស៊ូ​បង្ការ​ទប់ស្កាត់ និង​បង្ក្រាប​រាល់​បទល្មើស​គ្រឿងញៀន ជា​ពិសេស​ទប់ស្កាត់​បទល្មើស​គ្រឿងញៀន និង​បាន​ជម្រុញ​អ្នក​ញៀន​គ្រឿង​ញៀន​ទៅ​ទទួល​ការ​ព្យាបាល​នៅ​តាម​មណ្ឌល​សុខភាព មន្ទីរពេទ្យ​បង្អែក និង​ទីកន្លែង​មាន​ផ្តល់​សេវា​បន្សាប​គ្រឿងញៀន​។

លោក ម៉ុម សា​រឿ​ន ប្រធាន​លេខាធិការដ្ឋាន​គណៈកម្មាធិការ​ត្រួតពិនិត្យ​គ្រឿងញៀន​ខេត្តស្ទឹងត្រែង បាន​មាន​ប្រសាសន៍​ដោយ​បាន​លើក​ឡើង​ថា បញ្ហា​គ្រឿងញៀន​នៅ​តែ​ជា​បញ្ហា​ស្មុគស្មាញ​ដែល​តម្រូវ​ឲ្យ​ខិតខំ​រួម​គ្នា​ដោះស្រាយ និង​សូម​សរសើរ​គ្រប់​អ្នក​ពាក់ព័ន្ធ គ្រប់​ជំនាញ​ទាំងអស់ នៃ​គណៈកម្មាធិការ​ត្រួតពិនិត្យ​គ្រឿងញៀន​ក្នុងភូមិ​សាស្ត្រ​ខេត្តស្ទឹងត្រែង ប្រកបដោយ​ការ​ទទួលខុសត្រូវ និង​ស្មោះ​ត្រង់​ចំពោះ​វិជ្ជាជីវៈ​របស់​ខ្លួន​។

​រយៈពេល​៩​ខែ​កន្លង​មក​គណៈកម្មាធិការ​ត្រួតពិនិត្យ​គ្រឿងញៀន​ខេត្តស្ទឹងត្រែង​បាន​សហការ ទ​ប​ស្កាត់ និង​បង្ក្រាប​នូវ​បទល្មើស​គ្រឿង​ញៀន​បាន​ចំនួន​៤៦​ករណី ព្រមទាំង​បាន​រឹបអូស​នូវ​ត្ថុ​តាង​រួម មាន​មេ​តំ​ហ្វេ​តា​មីន​គ្រាប់​ចំនួន​៦,៣៤​ក្រាម ប្រភេទ​ហ្វេ​តា​មីន​ម្សៅ​២៨៥៧,៨២​ក្រាម មេ​តំ​ហ្វេ​តា​មីន​ក្រាម ពណ៌​ស​ថ្លា​ចំនួន​១៥៧ ៤៣៥,៦៦ ក្រាម ៕​ដោយ​៖ ពុ​យ វ​ឌ្ឍ​នា