ពិសោធន៍​ចំណីអាហារ​១៣៨​មុខ ដើម្បី​រកសារ​ធាតុគីមី

175

ខេត្តស្ទឹងត្រែង ៖ សាខា​កាំកុងត្រូល​ខេត្តស្ទឹងត្រែង រួម​សហការ​ជា​មន្ទីរ​ពាណិជ្ជកម្ម បាន​ចុះ ពិនិត្យ​លើ​ចំណីអាហារ​ចំនួន​១៣៨​មុខ ដើម្បី​ពិសោធន៍​រកសា​ធាតុគីមី​សម្រាប់​ចូលរួម​រក្សា​គុណភាព ចៀសវៀង ប្រជាពលរដ្ឋ​ទិញ​យក​ទៅ​បរិ​ភាគ​មាន​ផល​ប៉ះពាល់​ដល់​សុខភាព​។ ក្នុង​សកម្មភាព​ចុះ​ធ្វើ​ពិសោធន៍​ចំណីអាហារ​នៅ​ផ្សារ​សាមគ្គី​ខេត្តស្ទឹងត្រែង ថ្ងៃ​ទី​២៣ មក​រា ២០១៩​នេះ លោក គឹ​ម ប្រុស ប្រធាន​សាខា​កាំកុងត្រូល​ខេត្ត​បាន​បញ្ជាក់​ថា ការ​ធ្វើ​ពិសោធន៍​នេះ​គឺ​ដើម្បី​រក​ឲ្យ​ឃើញ​នូវហេតុផល ច្បាស់លាស់​កុំ​ឲ្យ​ដូច​ពាក្យ​អាចា​មរាម​របស់​ប្រជាពលរដ្ឋ និង​អ្នក​បរិភោគ​ចំណីអាហារ​មួយ​ចំនួន នាំ​គ្នា​លើក​ឡើង​ថា បន្លែ​នេះ បន្លែ​នោះ ចំណីអាហារ ត្រី​សាច់ និង​ផ្លៃ​ឈើ​ផ្សេង​ៗ មាន​ផ្ទុក​សារធាតុ​គីមី​។

Loading...

លោក​បញ្ជាក់​ថា កន្លង​មក​មន្ត្រី​ជំនាញ​បាន​ផ្សព្វផ្សាយ​និង​អប់រំ​ឲ្យ​បងប្អូន​អាជីវករ​យកចិត្តទុកដាក់​គ្រប់ បែប​យ៉ាង​ពិនិត្យ​ពី​កាលបរិច្ឆេទ របស់​ទំនិញ ការ​វេច​ខ្ចប់ និង​ការ​ថែរក្សា​ទំនិញ​ការ​រៀបចំ​ដាក់​តាំង​លក់ ត្រូវ​មាន​អនាម័យ​ជា​ប្រចាំ​ក្នុង​មួយ​ខែ​ម្តង​ដើម្បី​លើកកម្ពស់​សុខភាព​ទាំងអស់​គ្នា​។ បងស្រី ឆាយ ដា​ឡែ​ន អាជីវករ​លក់​បន្លែ​នៅ​ផ្សារ​នេះ​ដែរ​បាន​សាទរ​ជាមួយ​មន្ទីរ និង​សាខា​កាំកុងត្រូល​ដោយ​យល់​ឃើញ​ថា នេះ​ជា​ការងារ​ដ៏​ល្អ​បាន​ធ្វើ​ឲ្យ​ពួក​គាត់​ឃើញច្បាស់​ពី​ពិធី​ធ្វើ​ពិសោធន៍​មើល​នៅ​សារធាតុ​គីមី ពីព្រោះ​នៅ​ក្នុង​ចំណីអាហារ​ទាំងនេះ​អ្នកលក់​ណាមួយ​ដឹង​ថា​ទំនិញ​ណា​មាន​សារ​ធា​គីមី​នោះ​ទេ​។ លោក​ស្រី្ត​រូប​នេះ​បន្ត​ថា នឹង​ជួយ​ផ្តល់​នូវ​ព័ត៌មាន​ដែល​យើង​បានឃើញ​ការ​ធ្វើ​ពិសោធន៍​ជាក់ស្តែង​នេះ ឲ្យ​បងប្អូន​ប្រជាពលរដ្ឋ​ដឹង​ហើយ​ត្រូវ​ចេះ​ជ្រើសរើស​ចំណីអាហារ​ណា​បរិភោគ​ទៅ​មាន​សុខភាព​ល្អ​។

លោក អ៊ុ​ន សុខា ប្រធាន​មន្ទី​ពាណិជ្ជកម្ម​ខេត្តស្ទឹងត្រែង​បាន​ចាត់​ទុក​ថា សកម្មភាព​នេះ​ដោយ​បាន​បង្ហាញ ឱ្យ​ឃើញ​ពី​គុណភាព​ពិត​ទៅ​លើ​ចំណីអាហារ​ដែល​យើង​កំពុង​បរិភោគ​សព្វថ្ងៃ​ហើយ​ការ​ធ្វើ​ពិសោធន៍​នេះ​ដែរ​ក៏​បាន​ផ្តល់​ការ​យល់​ដឹង​ទៅ​ដល់​ប្រជាពលរដ្ឋ​បន្ថែម​ប្រៀប​ដូច​បង្កើន​ការ​ប្រុង​ប្រ​យ​ត្ន័​លើក កម្ពស់​ថែរក្សា​សុខភាព​ទាំងអស់​គ្នា​។ លោក​អះអាង​ថា កន្លង​មក​មាន​ទិញ​មួយ​ចំនួន​មិន​បាន​ត្រួតពិនិត្យ អ្នកទិញ​ខ្លះ​យក​ទៅ​មាន​ហួស​កាលកំណត់​ប្រើប្រាស់​ពិបាកធ្វើ​ការ​ដោះ​ដូរ ខ្លះ​ទៀត​កើត​មាន​ជម្លោះ​ផង​ដែរ តែ​ក្រោយ​ពី​បាន​ស្វែង​យល់​ទាំងអស់​គ្នា​យើង ងាយស្រួល​បំពេញ​កាតព្វកិច្ច​ទទួលខុសត្រូវ និង​ចូលរួម ប្រុង​ប្រយ័ត្ន​បាន​ច្រើន ជា​ពិសេស​មន្ត្រី​ជំនាញ​បាន​មក​ពិនិត្យ​ផ្ទាល់​ធ្វើ​ឱ្យ​ប្រជាពលរដ្ឋ​យើង​អស់​ភាព សៅហ្មង និង​មិន​មាន​កាត​ចោទប្រកាន់​ដាក់​គ្នា​ទៀត​ឡើយ​។

សូម​បញ្ជាក់​ថា នេះ​ជា​លើក​ទី​ពីរ​ហើយ ដែល​មន្ត្រី​សាខា​កាំ​កុង​ក្រុង​ត្រូល​ខេត្ត​បាន​យក​ចំណីអាហា​ធ្វើ​ពិសោធន៍​រកសារ​ធាតុគីមី​ដោយ​លើក​នេះ​បាន​យក​បន្លែ​គ្រប់មុខ​រួម​មាន​ស្ពៃ​-​ប៉េងប៉ោះ​-​ការ​រុត​-​សំ​ណ្តែ​កកួរ​-​ផ្លែ​ឈើ មាន​-​មៀន​-​ក្រូច​លឿង​-​ទំពាំងបាយជូ​-​សារី -​ប៊ឺ​-​ស្រការ​នាគ​-​និង​ត្រី​សាច់​ប្រហុក​-​ផ្អក​- ត្រីងៀត​។​ល​។ សរុប​ចំនូ​ន​១៣៨​មុខ មិន​មាន​ចំណីអាហារ​ណាមួយ​មាន​សារធាតុ​គីមី​ទេ ដោយឡែក​ស្ករត្នោត​មួយ​មុខ​មានការ​សង្ស័យ​ត្រូវ​បាន​មន្ត្រី​ជំនាញ យក​ទៅ​មន្ទីរពិសោធន៍​រាជធានី​ភ្នំពេញ​ដើម្បី​ធ្វើ​កិច្ច​ការងារ​នេះ​បន្ថែម​៕ ដោយ ៖ រ៉ូ សាលី