ផ្សារ​ធំ​ៗ និង​ហាង​លក់ដូរ​នៅ​រាជធានី​ភ្នំពេញ ត្រូវ​បាន​បិទទ្វារ​នៅ​ថ្ងៃ​ចូល​ឆ្នាំ​ចិន

រាជធានី​ភ្នំពេញ ៖ បើ​តាម​ការ​ពិនិត្យ​ជាក់ស្តែង​ថ្ងៃ​ចូល​ឆ្នាំ​ចិន​វៀតណាម​នា​ថ្ងៃ​ដំបូង​ដែល​បងប្អូន​ចិន​ហៅ​ថា «​ថ្ងៃ​ឈី​វ​អិត​» សម្រាប់​រាជធានី​ភ្នំពេញ​ហាក់ដូចជា​មាន​សភាព​ស្ងាត់​ជាង​ឆ្នាំ​មុន​ៗ ក៏​ប៉ុ​ន្ត​តាម​ដង​វិ​ថី​នានា ក្នុង​នោះ​មាន មហាវិថី​ព្រះ​មុនី​វង្ស​, មហាវិថី​ព្រះ​នរោត្តម​,​វិ​ថី​ព្រះ​ស៊ី​សុវត្ថិ រហូត​ដល់​រសៀល​ទើប​ចរាចរ គឺ​មានការ​ស្ងប់ស្ងាត់ មិនសូវ​មាន​រថយន្ត​ម៉ូតូ​ធ្វើ​ដំណើរ​នោះ​ទេ វា​ខុស​ថ្ងៃ​ធម្មតា​តែងតែ​ស្ទះ​ចរាចរ​គ្រប់​ដង​វិ​ថី ។

Loading...

ដោយឡែក​ផ្សារ​ធំ​ៗ​វិញ មាន​ផ្សារ​ធំ​ថ្មី​,​ផ្សារ​អូរ​ឫស្សី​,​ផ្សារ​ចាស់​,​ផ្សារ​កណ្តាល ត្រូវ​បាន​បិទទ្វារ​ដោយ ជីវ​ករ​ខ្លះ​បង្ខំចិត្ត​ចេញ​មក​តាំង​លក់​ខោអាវ​នៅ​ក្រៅរបង ដោយសារ​តែ​កន្លែង​ផ្ញើ​កង់​គេ​បាន​ឈប់ នេះ​និយាយ​តែ​ផ្សារ​ធំ​ថ្មី​មួយ​ប៉ុណ្ណោះ តែ​ការ​កកស្ទះ​ចរាចរ​ជុំវិញ​មិន​មាន​ឡើយ​។ អ្នកស្រី បាន ណៃ ដែល​លក់​ខោអាវ​នៅ​ផ្សារ​ធំ​ថ្មី​បាន​និយាយ​ឲ្យ​ដឹង​ថា នេះ​មិនមែន​ជា​លើក​ទី​មួយ​ទេ សម្រាប់​រូប​អ្នកស្រី ដែល​មាន​តូប​លក់​ត្រឹមត្រូវ​នៅ​ក្នុង​ផ្សារ​ធំ​ថ្មី​ហើយ​បង្ខំចិត្ត​ចេញ​មក​លក់​តាម​ចិញ្ចើម​ផ្លូវ​ដោយសារ​តែ​ពេល​ចូល​ឆ្នាំ​ចិន​ម្តង​ៗ​ខាង​គណៈកម្មការ​ផ្សារ​គេ​បិទទ្វារ​មិន​ឲ្យ​លក់​ឡើយ​។

ហើយ​ឃើញ​ថា យើង​មិនមែន​សែស្រឡាយ​ចិន ទើប​លក់​ជា​ធម្មតា​ក្រែង​វា​ចំណូល​កើន​ជាង​ថ្ងៃ​ធម្មតា​តែ​មិន​នឹក​ស្មានថា ផ្សារ​គេ​បិទទ្វារ​ទៅ​ចូល​ឆ្នាំ​ចិន​នឹង​គេ​ដែរ​។ អ៊ុំ​ស្រី ជី នាង លក់​បន្លែ​នៅ​ផ្សារ​ធំ​ថ្មី​ផ្នែក​ខាងលិច​បាន​និយាយ​ថា នៅ​ថ្ងៃ​ចូល​ឆ្នាំ​ចិន វៀតណាម ផ្សារ​ធំ​ថ្មី​បាន​បិទទ្វារ ជុំវិញ​ផ្សារ​ទាំងអស់​មិន​អនុញ្ញាត​ឲ្យ​អា​ជីករ ណា​ម្នាក់ លក់​នៅ​ក្នុង​ផ្សារ​នោះ​ទេ​។ ដោយឡែក​នៅ​តាម​ស្តង់​លក់​គ្រឿង​សមុទ្រ ត្រី បន្លែ និង​គ្រឿង​ហូប​ចុក​លក់​ជា ធម្មតា តែ​ក៏​មាន​ក្រុម​សន្តិសុខ​យាម​ប្រចាំការ​ផង​ដែរ ហើយ​ជា​រៀង​រាល់​ឲ្យ​តែ​ចូល​ឆ្នាំ​ចិន​គឺ​គណៈកម្មការ ផ្សារ​គេ​ចាក់​ទ្វារ​ជុំវិញ​តែ​អីចឹង​ទំនងជា​គេ​ជាប់សែស្រឡាយ​ចិន​ហើយ​មើលទៅ​។

មន្ត្រី​សាលា​ខណ្ឌ ដូនពេញ មួយ​រូប​បាន​ប្រាប់​ថា ជា​រៀង​រាល់​ឆ្នាំ គណៈកម្មការ​ផ្សារ​មិន​បាន​បិទ​ផ្សារ​មិន​ឲ្យ​បងប្អូន​អាជីវករ លក់​ក្នុង​ផ្សារ​នោះ​ទេ​គឺ​ដោយសារ​តែ​អាជីវករ​មក​លក់​តិច​ព្រោះ​អាជីវករ​ដែល​ជាប់​សែ​ប​ស្រ​ឡាយ ចិន​ភាគច្រើន​មិន​មក​លក់​ទើប​គណៈកម្មការ​ផ្សារ​បង្ខំចិត្ត​បិទ​ខាងក្នុង​តែ​អនុញ្ញាត​ឲ្យ​បងប្អូន​អាជីវករ​លក់​នៅ​ខាងក្រៅរ​បងហើយការ​លក់​នេះ​មាន​រយៈពេល​បី​ទើប​ផ្សា​របើក​ដំណើរការ​ជា​ធម្មតា​វិញ​។ ដោយឡែក​នៅ​ផ្សារ​កណ្តាល ផ្សារ​ចាស់ ផ្សារ​អូរ​ឫស្សី ក៏​ត្រូវ​បាន​គណៈកម្មការ​ផ្សារ​បិទទ្វារ​ផង​ដែរ ហើយ​ឃើញ​អាជីវករ​នាំ​គ្នា​ខាងក្រៅ​របង​មិន​ខុស​គ្នា​ពី​ផ្សារ​ធំ​ថ្មី​ប៉ុន្មាន​ឡើយ ហើយ​ឲ្យ​តែ​ចូល​ឆ្នាំ​ចិន​គឺ​បិទ​ផ្សារ ព្រោះ​អាជីវករ​ភាគច្រើន​ជាប់សែស្រឡាយ​ចិន​។

គេ​សង្កេត​ឃើញ​ថា ផ្លូវ​នៅ​ជុំវិញ​ផ្សារ​មិន​មានការ​កកស្ទះ​ដូច​ថ្ងៃ​ធម្មតា​នោះ​ទេ​ហើយ​ហាង​លក់​គ្រឿង​អេ​ឡេ​ត្រូ​និ​ច គ្រឿង​ទំនិញ​ផ្សេង​ត្រូវ​បាន​បិទទ្វារ ដោយឡែក​ការ​ធ្វើ​ចរាចរ​នៅ​លើ​ស្ពាន​មិត្តភាព​កម្ពុជា ចិន វិញ​មិន​មានការ​កកស្ទះ​ដែរ​។ បុណ្យចូលឆ្នាំ​ប្រពៃណី​ចិន គឺជា​បុ​ណ​ដ៏​សំខាន់​មួយ របស់​បងប្អូន​ជនជាតិ​ចិន ឬ​បងប្អូន​ជនជាតិ​ខ្មែរ ដែល​ជាប់សែស្រឡាយ​ចិន ហើយ​នៅ​ឆ្នាំ​២០១៩​នេះ បុណ្យ​នេះ​ត្រូវ​ប្រារព្ធ​ឡើង​រយៈពេល​៣​ថ្ងៃ​គឺ​ថ្ងៃ​ទី​០៥-០៦ និង​ថ្ងៃ​ទី​០៧ ខែកុម្ភៈ​៕ ដោយ ៖ ទុ​យ ប៊ុ​ន​រី