សូម​ជួយ​ជម្រាប​ម្តាយ​ក្មេង​ស្រី​រង​គ្រោះ​សត្វ​កណ្តុរ​ខាំ​ផង !

110

ខេត្តស្វាយរៀង ៖ លោក​វេជ្ជបណ្ឌិត កែរ រ​ដ្ឋា ប្រធាន​មន្ទីរ​សុខាភិបាល​ខេត្តស្វាយរៀង បាន​ជម្រាប​មក​កោះសន្តិភាព សូម​ជួយ​ជម្រាប​ជូន​ម្តាយ​ក្មេង​ស្រី​រង​គ្រោះ​សត្វ​កណ្តុរ​ខាំ​ផង​ថា មន្ទីរ សុខាភិបាល​ខេត្តស្វាយរៀង ​រកបាន​វ៉ាក់សាំង​ដើម្បី​ចាក់​ជូន​កូន​គាត់​ចំនួន ៤​ដង​ហើយ អាស្រ័យ​ហេតុនេះ​សូម​ឲ្យ​ម្តាយ​ក្មេង​ស្រី​រង​គ្រោះ​នាំ​កូន​របស់​គាត់​មក​ចាក់​វ៉ាក់សាំង​នៅ​មន្ទីរ​សុខាភិបាល​ខេត្ត ដោយ​សូម​ទំនាក់ទំនង​លេខ​ទូរស័ព្ទ 011 388 777​។

Loading...

កាលពី​ព្រឹក​មិ​ញ​នេះ​មន្ទីរ​សុខាភិបាល​បាន​ទៅ សួរ​រក​ក្មេង​ស្រី​រង​គ្រោះ​សត្វ​កណ្តុរ​ខាំ​ដល់​ផ្ទះ​ដែរ​តែ​មិន​ជួប​ដោយ​លោក​ប្រធាន​ភូមិ​ប្រាប់​ថា​បាន​នាំ​កូនស្រី​ទៅ​រាជធានី​ភ្នំពេញ ហើយ​មិន​អាច​ទាក់ទង​បាន​ដោយ​ម្តាយ​ក្មេង​ស្រី​គ្មាន​ទូរ​សព្ទ័​ទាក់ទង​។ បើ​តាម​អ្នក​ជិតខាង​សង្ស័យ​អាច​ទៅ​រក​ការ​ព្យាបាល​នៅ​មន្ទីរពេទ្យ​គន្ធ​បុប្ផា​រាជធានី​ភ្នំពេញ​។

ហើយ​ក៏​មាន​សប្បុរសជន​ជា​ច្រើន​រូប​ចង់​ផ្តល់​ប្រាក់​ឧបត្ថម្ភ​ក្នុង​ការ​ចាក់​វ៉ាក់សាំង​នេះ​ដែរ​ដូច្នេះ​បើ​សាច់ញាតិ​ឬ​អ្នក​ណា​បាន​ស្គាល់​អ្នកស្រី មាស ផល្លា ជា​ម្តាយ​ក្មេង​ស្រី​រង​គ្រោះ សូម​ជួយ​ជម្រាប​គាត់​ផង​សូម​ឲ្យ ត្រឡប់​មក​ផ្ទះ​វិញ និង​មក​មន្ទីរ​សុខាភិបាល​ខេត្ត ដើម្បី​ចាក់​វ៉ាកសាំង​ជូន​គ្រប់​ចំនួន​តែ​ម្តង​៕ ដោយ ៖ វ៉ា​ន់ ប៊ុ​ន​ធឿ​ន