អាជ្ញាធ​ខេត្ត​រៀបចំ​ពិធី​ក្រុង​ពាលី សាកល្បង​ការ​ប្រណាំងទូក​ខ្នាត​អន្តរជាតិ

158

ខេត្តកំពង់ឆ្នាំង ៖ អាជ្ញាធ​ខេត្តកំពង់ឆ្នាំង​នៅ​រសៀល ថ្ងៃ​ទី​២៨ ខែមិថុនា ឆ្នាំ​២០១៩ បាន​រៀបចំ​ពិធី​ក្រុង ពាលី​សាកល្បង​ការ​ប្រណាំងទូក កា​នូ ទូក​កៃ​យ៉ាក់ និង​ទូក​នាគ នៅ​មាត់ទន្លេ​ផ្សារ​ក្រោម ស្ថិត​នៅ​ក្នុងភូមិ ផ្សារឆ្នាំង សង្កាត់​ផ្សារឆ្នាំង ក្រុង​កំពង់ឆ្នាំង​។ លោក មាស សា​រិ​ន បាន​ឲ្យ​ដឹង​ថា ថ្ងៃនេះ​សហព័ន្ធ បាន​មក​បើក​សិក្ខាសាលា​ទ្រឹស្តី​ទូក កា​នូ កៃ​យ៉ាក់ និង​ទូក​រ៉ូ​អ៊ី​ន ឬ​ទូក​ក្បាល​នាគ ដែល​មាន​កីឡាករ មក​ពី​ខេត្តកំពង់ឆ្នាំង ប៉ៃលិន ពោធិ៍សាត់ សៀមរាប បន្ទាយ​មាន​ជ័យ ដែល​មាន​សិក្ខាកាម​កីឡាករ ចំនួន​៥០​នាក់​។

Loading...

អគ្គនាយករង​សហព័ន្ធ​កីឡា​ទូក លោក មាស សា​រិ​ន បាន​បញ្ជាក់​ថា កន្លង​មក​ធ្លាប់​ហ្វឹកហាត់ នៅ​ក្រុងព្រះសីហនុ​ដល់​មក​ប្រណាំង​នៅ​ខេត្ត​កំ​ពង​ស្ពឺ ហើយ​លើក​នេះ ហ្វឹកហាត់​នៅ​ខេត្តកំពង់ឆ្នាំង ដល់​មក​ប្រណាំង​នៅ​ឯ​ខេត្តពោធិ៍សាត់​។ លោក​ថា ការ​ហ្វឹកហាត់​ទ្រឹស្តី ត្រូវ​បាន​បញ្ចប់​ហើយ​ថ្ងៃនេះ គឺជា​ថ្ងៃ​សាកល្បង​ពី​ការ​ចុះទូក ការ​កាន់​ច្រ​វ៉ា និង​ពី​បច្ចេកទេស​អុំទូក ដូច​ជា​បាន​ដាក់​បង្ហាញ​ឲ្យ​បងប្អូន​ប្រជាពលរដ្ឋ​យើង​បានដឹង និង​ស្គាល់​ដែល​ពី​មុន​ធ្លាប់​ឃើញ​តែ​ទូក​ចែវ និង​ទូក​អុំ​របស់​យើង​។

អគ្គនាយករង​សហព័ន្ធ​កីឡា​អុំទូក​អន្តរជាតិ​បាន​បញ្ជាក់​ឲ្យ​ដឹង​ថា កន្លង​មក​យើង​ធ្លាប់​បាន​ចេញ​ទៅ​ខេត្ត​ណា​ន​ជី​ង ប្រទេស​ចិន ក្នុង​ក្រប​ខណ្ឌ​អាស៊ាន​ចិន និង​ទទួល​បាន​ជ​យ័​លា​ភី​មេដាយ​ប្រាក់ និង​សំ​រិ​ទ្ធ​ផង​ដែរ​។ អភិបាលរង​ខេត្តកំពង់ឆ្នាំង លោក ស៊ុន សុវណ្ណ​រិ​ទ្ធ បាន​ឲ្យ​ដឹង​ថា ថ្ងៃស្អែក​គឺជា​ថ្ងៃ​ប្រកួត​សាកល្បង​បច្ចេកទេស​គ្នា​រយៈពេល​ប៉ុន្មាន​ថ្ងៃ ដែល​បាន​សិក្សា​ដកស្រង់​ពិសោធន៍​ថា ខាង​ណា​មាន​បច្ចេកទេស​ល្អ​ជាង​។

សម្រាប់​ខេត្តកំពង់ឆ្នាំង មាន​សក្តានុពល​ល្អ មាន​ទន្លេ និង​បឹង​ធំ​ស្អែក​នេះ​គឺ​មានការ​ប្រកួត សង្ឃឹមថានឹង​មាន​អ្នកចូលរួម​យ​យ៉ាង ច្រើន​ដោយ​ចង់​ស្គាល់​ទូក​ប្រភេទ​ខ្នាត​អន្តរជាតិ​នេះ​។ សូម​បញ្ជាក់​ផង​ដែរ​ថា ទូក​ទាំង​៨​គ្រឿង ខាងលើ​នេះ​ជា​អំណោយ​របស់​សម្តេច​ក្រឡាហោម ស ខេ​ង និង​លោក​ជំទាវ ប្រគល់​ជូន​សហព័ន្ធ​កីឡា ប្រណាំងទូក​អន្តរជាតិ​៕ ដោយ ៖ ពៅ សុខ​ហ៊ាន