អាង​ហែល​ទឹក​សិប្បនិម្មិត​ធំ​មួយ ដាច់​ខ្សែ​មក​ទើ​នៅ​ស្ពាន​កោះ​ប៉ែន​តាំង​យប់

164

ខេត្តកំពង់ចាម ៖ សេចក្ដីរាយការណ៍​ព័ត៌មាន​បឋម​បាន​ឲ្យ​ដឹង​ថា មាន​អាង​ហែល​ទឹក​សិប្បនិម្មិត​មួយ ដែល​មាន​ទំហំ​ធំ ស្ថិត​នៅ​ជាប់​ច្រាំង​ទន្លេ ហើយ​បាន​ចង​ភ្ជាប់​នៅ​ជាប់​ខណ្ឌ​រដ្ឋបាល​ជលផល​ខេត្ត ហើយ​បាន​ដាច់​ខ្សែ​រសាត់អណ្ដែត​តាម​បណ្ដោយ​ផ្ទៃ​ទឹក​ហូរ​ក្រោម​ស្ពាន​គី​ហ្សូ​ណា​។ ក៏​មក​បុក​ទើ​នៅ​ស្ពាន​កោះ​ប៉ែន នៅ​ម៉ោង​៨ និង​១៥​យប់ នៅ​ថ្ងៃ​ទី​៩ កញ្ញា ២០១៩​នេះ ស្ថិត​ក្នុង​សង្កាត់​សំបួរមាស ក្រុង​កំពង់ចាម​។

Loading...

នៅ​ក្នុង​ហេតុការណ៍​នោះ​ដែរ គេ​សង្កេត​ឃើញ​លោក អ៊ុ​ន ចាន់​ដា ជា​អភិបាល និង​ជា​គណៈ​អភិបាលខេត្ត​កំពង់ចាម​, លោក​វរៈសេនីយ៍ទោ ឯម កុសល ជា​ស្នងការ នៃ​ស្នងការដ្ឋាន​ខេត្តកំពង់ចាម បាន​ដឹកនាំ​កម្លាំង និង​បញ្ជូន​សា​ឡង់​ចំនួន​៤​គ្រឿង​ដើម្បី​សណ្ដោង​អាង​ហែល​ទឹក​នោះ​ឲ្យ​ចូល​ច្រាំង​វិញ​។

តែ​ដោយ​អំណាច​នៃ​កម្លាំង​ទឹក​ហូរ​មិន​អាច​ទាញ​សណ្ដោង​អាង​ហែល​ទឹក​សិប្បនិម្មិត​នោះ​ឲ្យ​ចូល​ច្រាំង​វិញ​បាន​ទេ​ក៏​រសាត់​ទៅ​ទល់​នឹង​ក្រោម​ស្ពាន​វិញ​ដដែល​។ រហូត​មក​ទល់​នឹង​ម៉ោង​ប្រមាណ​១១​យប់​នេះ កងកម្លាំង​ទាំង​អស់នោះ​បាន​នាំ​គ្នា​សម្រាក​សិន រង់ចាំ​ពេល​ព្រឹក​នឹង​រក​ដំណោះស្រាយ​បន្ត​ទៀត​៕ ដោយ ៖ យ៉ា​ន់ ចាន់​ថេ​ត