បារមី​លោកយាយ​ទេព​វត្ត​សាគរ​កោះកំពង់ត្រុំ​មាន​បារមី​ឆុង​ជាមួយ​អ្នកមាន​បុណ្យ​សក្តិ​ធំ​!(​មាន​វី​ដេ​អូ​)

ខេត្តកំពង់ចាម ៖ តើ​ជឿ​ទេ​ថា បារមី​លោកយាយ​ទេព​នៅ​វត្ត​សាគរ​កោះកំពង់ត្រុំ មាន​បារមី​ឆុង​ជាមួយ​អ្នកមាន​បុណ្យ​សក្តិ​ធំ​ៗ ឬ​អ្នកមាន​ងារ​ជា​ឧកញ៉ា អ្នក​មានមុខ​តំណែង​ចាប់ពី​ថ្នាក់​ស្រុក​ឡើង​ទៅ​មិន​ហ៊ាន​ចូល​ក្នុង​វត្ត​សាគរ​កោះកំពង់ត្រុំ ដោយ​ចាញ់​បារមី​លោកយាយ​ទេព​បង​យាយ​ម៉ៅ បើ​អ្នកធំ​ណា​ហ៊ាន​ចូល​ទៅ​ក្នុង​វត្ត​សាគរ​កោះកំពង់ត្រុំ គឺ​ត្រូវ​ចាញ់​ឬ​ទ្ធី​បារមី​លោកយាយ​បង​យាយ​ម៉ៅ គឺ​អស់បុណ្យ​របូត​សក្តិ​ធ្លាក់​មុខ​តំណែង គ្មាន​អ្នកធំ ឬ​ចៅហ្វាយស្រុក​ចៅហ្វាយខេត្ត និង​រដ្ឋមន្ត្រី​ណា​ហ៊ាន​ចូល​ទៅ​ក្នុង​វត្ត​សាគរ​កោះកំពង់ត្រុំ​នោះ​ឡើយ​ដោយ​ខ្លាច​បារមី​លោកយាយ​ទេព​បង​យាយ​ម៉ៅ​នេះ សូ​ម្បី​ចូល​ទៅ​កសាង​សមិទ្ធិ​ផល​នានា​ក្នុង​វត្ត គឺ​គ្មាន​អ្នកធំ​រូប​ណា​ហ៊ាន​ទៅ​កសាង​ទេ ។

Loading...

ការ​កសាង​វត្ត​កន្លង​មក គឺ​មាន​តែ​ប្រជា​ពុទ្ធបរិស័ទ​ចំណុះ​ជើងវត្ត​សាគរ​កោះកំពង់ត្រុំ​ទេ រួម​គ្នា​កសាង​សមិទ្ធិ​ផល​នានា​ក្នុង​វត្ត ។ បើ​តាម​លោកតា​ចាស់ព្រឹទ្ធាចារ្យ​គណកម្មការ​វត្ត​សាគរ​កោះកំពង់ត្រុំ​បាន​ឲ្យ​ដឹង​ថា វត្ត​នេះ​មាន​អាយុ​រាប់រយ​ឆ្នាំ​មក​ហើយ មុន និង​កសាង​វត្ត​សាគរ​កោះកំពង់ត្រុំ​នេះ​ឡើង​ពី​ដើម​ឡើយ​ជា​ទួល​មួយ​នៃ​កោះ​ប៉ែន ហើយ​លោកយាយ​ទេព​អង្គ​នេះ​មាន​ឬ​ទ្ធី​បារមី​ខ្លាំងពូកែ​ណាស់ មាន​នាម​ថា លោកយាយ​បាកាន គឺជា​បងស្រី​លោកយាយ​ម៉ៅ​មាន​ឬ​ទ្ធី​បារមី​ខ្លាំងពូកែ​ស័ក្ដិសិទ្ធិ​គ្រប់គ្រង​នៅ​ទិសឧត្តរ​ទិស​ឦ​សាន្ត អ្នកស្រុក​មិន​ដែល​ហ៊ាន​ហៅ​នាម​ចំ​ឈ្មោះ​ទេ ចាស់ទុំ​ហៅ​ឈ្មោះ​ថា លោកយាយ​បង​យាយ​ម៉ៅ ចាស់ទុំ​ពី​បុរាណ​បាន​ធ្វើ​អាស្រម និង​រូបសំណាក​លោកយាយ​បាកាន ឬ​បង​លោកយាយ​ម៉ៅ​នៅ​ក្នុង​វត្ត​សាគរ​កោះកំពង់ត្រុំ ស្ថិត​នៅ​ភូមិ​កោះ​ប៉ែន ឃុំ​កោះមិត្ត​ស្រុក​កំពង់សៀម ខេត្តកំពង់ចាម​ ។

​ចាស់ទុំ​ពី​បុរាណ​តែង​តំណាល​ត​ៗ​គ្នា​ថា ចំពោះ​អ្នកមាន​បុណ្យ​សក្តិ​ធំ គឺ​មិន​ហ៊ាន​ចូល​ទៅ​ក្នុង​វត្ត​សាគរ​កោះកំពង់ត្រុំ​ទេ បើ​ចូល​ទៅ​ហើយ​ភ្លេច​មិន​បាន​គោរព​បូជា ឬ​មិន​បាន​អុជ​ធូប​ទៀន​បូជា​ទេ គឺ​ត្រូវ​អស់បុណ្យ អស់​សក្តិ​របូត​មុខ​តំណែង ទើប​អ្នកធំ​អ្នកមាន​បុណ្យ​សក្តិ​មិន​ហ៊ាន​ទៅ​ចូល​ក្នុង​វត្ត​សាគរ​កោះកំពង់ត្រុំ​ទេ ចាញ់​ឬ​ទ្ធី​បារមី​បង​យាយ​ម៉ៅ ។

ចាស់ទុំ​បាន​ឲ្យ​ដឹង​ថា គ្មាន​អ្នកធំ​អ្នកតូច​ណា​ហ៊ាន​ហៅ​ចំ​ឈ្មោះ​ទេ ខ្លាច​ឬ​ទ្ធី​បារមី រហូត​មក​ដល់​បច្ចុប្បន្ន​នេះ គឺ​គ្មាន​អ្នកធំ ឬ​អ្នកមាន​បុណ្យ​សក្តិ​មាន​ងារ​ជា​អ្នកឧកញ៉ា​ណា​ម្នាក់​ហ៊ាន​ចូល​ទៅ​ក្នុង​វត្ត​សាគរ​កោះកំពង់ត្រុំ​ឡើយ និយាយ​ឲ្យ​ងាយ​យល់ គឺ​ឆុងតែ​ម្តង​បើ​មិន​ជឿ​កុំ​ប្រមាថ ៕ កែសម្រួល​ដោយ ៖ សុ​ឃា​ក់