Bale និយាយ​អារម្មណ៍​ពិត​ពេល​លេង​នៅ Wales និង Real Madrid

តាម​ប្រភព​ព័ត៌មាន Soccer Laduma បានឱ្យ​ដឹង​ថា Gareth Bale បាន​ពន្យល់​ពី​មូលហេតុ​ដែល​គាត់​រំភើប​នឹង​ការ​លេង​ឱ្យ​ក្រុម​ជម្រើសជាតិ Wales ជាង​ការ​លេង​នៅ Real Madrid​។

Loading...

Bale មិន​បាន​បង្ហាញ​វត្តមាន​ចាប់តាំងពី​ការ​សម្រាក​អន្តរជាតិ​ចុង​ក្រោយ ប៉ុន្តែ​ត្រូវ​បាន​គេ​រំពឹង​ថា​នឹង​វិល​ត្រឡប់​មក​លេង​វិញ​នៅ​ថ្ងៃ​សៅរ៍ នៅ​ពេល​ដែល​ក្រុម​ជម្រើសជាតិ Wales ប្រកួត​ជាមួយនឹង Azerbaijan នៅ​ក្នុង​ការ​ប្រកួត​ជម្រុះ European Championship​។

កីឡាករ​វ័យ ៣០ ឆ្នាំ​រូប​នេះ មិន​មាន​លទ្ធផល​ល្អ​ប៉ុន្មាន​ទេ សម្រាប់​ការ​លេង​នៅ Real Madrid រួម​ទាំង​មិត្ត​រួម​ក្រុម​របស់​គាត់​ឈ្មោះ Toni Kroos ដែល​កំពុង​តែ​មិន​ប្រាកដ​ថា​អាច​លេង​ឱ្យ Real កើត​ដែរ​ឬ​អត់​។

Bale បាន​និយាយ​មុន​ការ​ប្រកួត​ជម្រុះ​ពូ​ល E នៅ Azerbaijan កាលពី​ថ្ងៃ​សៅរ៍​ថា​៖ «​ខ្ញុំ​សប្បាយ​ចិត្តនឹង​លេង​ឱ្យ Wales ជាង​។ ខ្ញុំ​បាន​នៅ​ជាមួយ​កីឡាករ​ចាស់​ៗ ដែល​យើង​ធ្លាប់​លេង​ជាមួយនឹង​គ្នា​តាំងពី​នៅ​ក្រុម​ក្រោម​អាយុ​១៧​ឆ្នាំ​»​។

គេ​ក៏​បាន​បន្ត​ទៀត​ថា​៖ «​វា​ដូច​ជា​ការ​លេង​ជាមួយ​មិត្ត​រួម​របស់​អ្នក​នៅ​សួនច្បារ​លេង​ៗ នៅ​រាល់ថ្ងៃ​អាទិត្យ​។ ជាមួយនឹង​ក្រុម​ជម្រើសជាតិ Wales ខ្ញុំ​អាច​ប្រើ​ភាសា​របស់ខ្ញុំ​បាន ហើយ​ខ្ញុំ​មាន​អារម្មណ៍​ស្រួល​ជាង​។ តែ​វា​មិន​មាន​អ្វី​ប្លែក​ចំពោះ​ការ​លេង​នៅ​លើ​តារាង​របស់ខ្ញុំ​ឡើយ​។ ខ្ញុំ​តែងតែ​បញ្ចេញ​ឱ្យ​អស់​១០០% រាល់ពេល​ខ្ញុំ​លេង​លើ​តារាង ហើយ​នេះ​គឺជា​អ្វី​ដែល​ខ្ញុំ​តែងតែ​ប្រឹង​» ៕

ប្រភព ៖ soccerladuma , កែសម្រួលដោយ ៖ សំណាង