Jadon Sancho មិន​ឆ្លាត​ទេ​បើ​ទៅ​លេង​នៅ Manchester United

តាម​ប្រភព​ព័ត៌មាន Soccer Laduma បានឱ្យ​ដឹង​ថា អតីត​កីឡាករ​ឆ្នើម​របស់​ក្រុម​ហង្ស​ក្រហម Liverpool យល់​ថា Jadon Sancho របស់​ក្លិប Borussia Dortmund គឺជា​មនុស្ស​ឆ្កួត ប្រ​សិន​ទៅ​លេង​នៅ​ក្លិប​បិសាច​ក្រហម Manchester United ដែល​ជា​ក្លិប​កំពុង​តែ​ជួបនឹង​ការ​លំបាកលំបិន ។

Loading...

ខ្សែបម្រើ​ស្លាប​អង់គ្លេស​រូប​នេះ​បាន​ចាក​ចេញពី Manchester City ក្នុង​ការ​ស្វែងរក​ពេលវេលា​លេង​ទៀងទាត់ ប៉ុន្តែ​អតីត​ខ្សែការពារ​ក្រុម​ហង្ស​ក្រហម Steve Nicol យល់​ថា Sancho នឹង​មាន​កំហុស​ដោយ​ចូលរួម​ជាមួយ​ក្រុម​បិសាច​ក្រហម​។

លោក Nicol និយាយ​ថា​៖ «​ខ្ញុំ​គិត​ថា គាត់​ឆ្កួត​ប្រសិនបើ​គាត់​ទៅ​លេង​នៅ Man Utd ។ យើង​កំពុងនិយាយ​អំពី ការ​ត្រដរ​យ៉ាង​លំបាកលំបិន​របស់ Dortmund ហើយ​ប្រសិនបើ​មក​លេង​នៅ Manchester United នោះ គឺ​ពិតជា​យ៉ាប់​ហើយ ព្រោះ Man Utd កំពុង​តែ​ធ្លាក់​ចុះ ហើយ​អាច​នឹង​ងើប​បាន​វិញ ទាល់តែ​២​ទៅ​៣​រដូវ​កាល​ទៀត​»​។

អតីត​កីឡាករ​ឆ្នើម Nicol បាន​បន្ត​ថា​៖ «​ប្រសិនបើ​ខ្ញុំ​អាច​ណែនាំ​បាន ខ្ញុំ​ចង់ឱ្យ​គេ​ទៅ​លេង​នៅ Liverpool​។ ខ្ញុំ​គិត​ថា​គាត់​នឹង​អស្ចារ្យ​។ ប្រសិនបើ​គាត់​អាច​លេង​ជាមួយនឹង Mane និង Salah នោះ នេះ​គឺជា​ជំហាន​ទៅ​មុខ​ដ៏​ល្អ​សម្រាប់ Liverpool»​។

គួរ​បញ្ជាក់​ផង​ដែរ​ថា Nicol នៅ​តែ​គិត​ថា Sancho នឹង​មិន​ទៅ Liverpool ទេ ព្រោះតែ​គេ​មាន​ក្លិប​ដែល​ស្ថិត​នៅ​ក្នុង​ចិត្ត​ទៅ​ហើយ សម្រាប់​ការ​ទៅ​លេង​នៅ​ថ្ងៃ​ខាង​មុខ ៕

ប្រភព ៖ soccerladuma , កែសម្រួល​ដោយ ៖ សំណាង