Canelo Alvarez អះអាង​ថា​អាច​យកឈ្នះ​លើ Floyd Mayweather បាន​ប្រ​សិន​…

តាម​ប្រភព​ព័ត៌មាន Sport Bible បានឱ្យ​ដឹង​ថា កីឡាករ​ប្រដាល់ Canelo Alvarez មាន​ទំនុកចិត្ត​ថា​គាត់​អាច​សងសឹក​ការ​បរាជ័យ​តែ​មួយ​គត់​របស់​គាត់​ចំពោះ Floyd Mayweather ប្រសិនបើ​ពួក​គេ​រៀបចំ​ឱ្យ​មានការ​ប្រកួត​ឡើង​វិញ​។

Loading...

កីឡាករ​ម៉ិ​ក​ស៊ិ​ក​វ័យ ២៩ ឆ្នាំ​បាន​ក្លាយជា​ម្ចាស់​ជើងឯក​ពិភពលោក បន្ទាប់​ពី​បាន​ផ្តួល​កីឡាករ Sergey Kovalev កាលពី​ដើមខែ​នេះ​នៅ​សង្វៀន MGM Grand Garden Arena ក្នុង​ទីក្រុង Las Vegas ។ Alvarez មាន​ភាព​មុតមាំ​ថា​ការ​ជួប​ជាមួយ Mayweather ដែល​ឥឡូវ​ចូល​និវត្តន៍ ហើយ​ជឿជាក់​ថា​អាច​នឹង​ប្រកួត​សងសឹក​យកឈ្នះ​ទាល់តែ​បាន​។

លោក​មាន​ប្រសាសន៍​ថា «​ឥឡូវនេះ​វា​ខុស​គ្នា​ហើយ​។ ខ្ញុំ​ជា​អ្នក​ប្រយុទ្ធ​ខុស​ពី​មុន​។ ខ្ញុំ​គិត​ថា​គាត់​ក៏​ល្អ​ដែរ តែ​ខ្ញុំ​ជា​អ្នក​ប្រយុទ្ធ​ផ្សេង​»​។

Mayweather បាន​បង្ហាញ​ស្នាដៃ​ឆ្នើម ប្រកួត​នឹង​តារា​ម៉ិ​ក​ស៊ិ​ក​កាលពី​ឆ្នាំ ២០១៣ និង​បាន​ទទួល​ជ័យជម្នះ​យ៉ាង​ស៊ី​ផុយ​តាម​រយៈ​ពិន្ទុ​។ ប៉ុន្តែ​កីឡាករ​អា​មេ​រិច​វ័យ ៤២​ឆ្នាំ​រូប​នេះ បាន​ចូល​និវត្តន៍ ក្រោយ​ឡើង​សង្វៀន​ចុង​ក្រោយ​ជាមួយនឹង​កីឡាករ​ប្រដាល់​ដាក់​ទ្រុង Conor McGregor នៅ​កាលពី​ឆ្នាំ​២០១៧​។

គួរ​បញ្ជាក់​ផង​ដែរ​ថា Alvarez បាន​គ្រប់គ្រង​ការ​ឈ្នះ ៥៣​ដង ក្នុង​ការ​ប្រកួត​អាជីព​ចំនួន ៥៦ ដែល​បាន​ផ្តួល​ដូច​ជា Kovalev, Gennady Golovkin, Miguel Cotto និង Amir Khan ក្រោយ​ពេល​ប្រកួត​ចាញ់​ជាមួយនឹង Mayweather ៕

ប្រភព ៖ sportbible , កែសម្រួល​ដោយ ៖ សំណាង