Ronaldo ចង់បាន​កីឡាករ​បិសាច​ក្រហម​ម្នាក់​មក Juventus

តាម​ប្រភព​ព័ត៌មាន Soccer Laduma បានឱ្យ​ដឹង​ថា ស្រប​ពេល​ដែល​ក្រុម​សេះបង្កង់ Juventus នៅ​តែ​កសាង​ក្រុម​ដើម្បី​ឈ្នះ​ពានរង្វាន់ UEFA ជើង​ខ្លាំង Cristiano Ronaldo ត្រូវ​បាន​គេ​រាយការណ៍​ថា បាន​ជំរុញ​ឱ្យ​ក្លឹ​ប​របស់​គាត់​ទិញ​យក​កំពូល​តារា​ឆ្នើម​របស់​ក្រុម​បិសាច​ក្រហម Manchester United​។ កីឡាករ​វ័យ ៣៤ ឆ្នាំ​រូប​នេះ​បាន​យក​ពិន្ទុសរុប​ជា​អន្តរជាតិ​ដល់​ទៅ ៩៩ គ្រាប់​អំឡុង​ពេល​ដែល​ព័រ​ទុ​យ​ហ្កា​ល់​ឈ្នះ ២-០ នៅ Luxembourg កាលពី​ថ្ងៃអាទិត្យ​។

Loading...

យោង​តាម​គេហទំព័រ Tuttosport បានអោយ​ដឹង​ថា Ronaldo ចង់អោយ​កីឡាករ Paul Pogba ដែល​ចុះ​កុងត្រា​ជាមួយ Manchester United មក​លេង​នៅ Juventus វិញ​។ កីឡាករ​ជនជាតិ​បារាំង​រូប​នេះ ដែល​ស្ថិត​នៅ​ក្នុង​សៀវភៅ​របស់ Juve នៅ​ចន្លោះ​ឆ្នាំ ២០១២ និង ២០១៦ មុន​ពេល​វិល​ត្រឡប់​ទៅ​ក្លឹ​ប​នៅ​ក្មេង​របស់​គាត់​វិញ ត្រូវ​បាន​ផ្សារ​ភ្ជាប់​ជាមួយនឹង​ការ​ផ្លាស់​ប្តូរ​ទៅ​លេង​នៅ​ក្លិប​សេះបង្កង់ កាលពី​ប៉ុន្មាន​ខែ​មុន​។

ក្រុម Real Madrid ក៏​ត្រូវ​បាន​គេ​និយាយ​ថា​ចាប់អារម្មណ៍​លើ​កីឡាករ​វ័យ ២៦ ឆ្នាំ​ផង​ដែរ ប៉ុន្តែ​ក្រុម​សេះបង្កង់ Juventus ប្រហែលជា​អាច​មាន​ប្រៀប​ជាង​។ អ្នកលេង​ដូច​ជា Danilo, Emre Can, Sami Khedira, Mario Mandzukic និង​សូ​ម្បី​តែ Paulo Dybala ត្រូវ​បាន​គេ​រាយការណ៍​ថា បង្កើត​បានជា​ផ្នែក​មួយ​នៃ​កិច្ចព្រមព្រៀង​ដោះ​ដូរ​សម្រាប់ Pogba ។

គួរ​បញ្ជាក់​ផង​ដែរ​ថា ខ្សែបម្រើ​សញ្ជាតិ​បារាំង​រូប​នេះ​បង្ហាញខ្លួន​បាន ១៤៨​ប្រកួត​អោយ​ក្រុម​បិសាច​ក្រហម​រហូត​មក​ដល់​ពេល​នេះ ដោយ​ស៊ុត​បញ្ចូល​ទី​បាន ៣១​គ្រាប់ និង​ជួយ​ដល់ ៣១​គ្រាប់​ផ្សេង​ទៀត ប៉ុន្តែ​ត្រូវ​បាន​រង​របួស​កជើង​ចាប់តាំងពី​ខែកញ្ញា ៕