ក្រោយឃើញធ្លាក់​ចូល​ក្នុងទឹកត្រពាំងបែបនេះ​ ម្នាក់ៗខំរត់​​ទៅ​ជួយដែរ តែ…

ខេត្តកំពត ៖ បុរស​ម្នាក់​សង្ស័យ​ស្រវឹងស្រា​បាន​បើករថយន្ត​មួយ​គ្រឿង​ធ្លាក់​ចូល​ក្នុង​ទឹក​ត្រពាំង​ខាងក្រោយ​ផ្ទះ បង្ក​ការ​ភ្ញាក់ផ្អើល​ដល់​ប្រជាពលរដ្ឋ​ដែល​រស់នៅ​ក្បែរ​នោះ​នាំ​គ្នា​រត់​មក​មើល និង​ជួយ​អន្តរាគមន៍​ទាញ​ជន​រង​គ្រោះ​ចេញពី​ក្នុង​រថយន្ត​ដើម្បី​យក​ទៅ​សង្គ្រោះ​ដែរ ប៉ុន្តែ​ជា​អកុសល​ជន​រង​គ្រោះ​បាន​ឈ្លក់ទឹក​ស្លាប់​បាត់​ទៅ​ហើយ ។

Loading...

ហេតុការណ៍​ខាងលើ​នេះ​បាន​កើតឡើង​កាលពី​វេលា​ម៉ោង​១​និង​១៥​នាទី​រំលង​អធ្រា​ត្រ​ឈាន​ចូល​ថ្ងៃ​ទី​២១ ខែវិច្ឆិកា ឆ្នាំ​២០១៩ ស្ថិត​នៅ​ចំណុច​ភូមិ​ត្រពាំង​អណ្ដូង ឃុំ​សត្វ​ពង ស្រុក​ឈូក ខេត្តកំពត​។

ជន​រង​គ្រោះ​ដែល​ស្លាប់​ឈ្មោះ​ជុង អូ ភេទ​ប្រុស អាយុ​៣១​ឆ្នាំ រស់នៅ​ភូមិ​កើតហេតុ​ខាងលើ ។

សមត្ថកិច្ច​ចរាចរណ៍​ស្រុក​ឈូក​បាន​ឲ្យ​ដឹង​ថា ជុំវិញ​ករណី​គ្រោះថ្នាក់​ខាងលើ​នេះ​គឺ​បណ្ដាល​មក​ពី​ជន​រង​គ្រោះ​ស្រវឹងស្រា ហើយ​បាត់​ម្ចាស់​ការ​ក្នុង​ការ​បើកបរ ទើប​បណ្ដាល​ឱ្យ​ធ្លាក់​ចូល​ក្នុង​ទឹក​ត្រពាំង​ឈ្លក់ទឹក​ស្លាប់​យ៉ាង​ដូច្នេះ​។

ក្រោយ​ពី​ពិនិត្យ​រួច សមត្ថកិច្ច​បាន​ប្រគល់​សព​ជន​រង​គ្រោះ​ជូន​ទៅ​ក្រុម​គ្រួសារ​ដើម្បី​ចាត់ចែង​រៀបចំ​ធ្វើបុណ្យ​តាម​ប្រពៃណី​៕ (​កែសម្រួល​ដោយ ៖ ធីតា​)