វគ្គ​ជម្រុះ​ពាក់កណ្តាល​ផ្តាច់ព្រ័ត្រ កីឡា​ករ​វ័យ​ក្មេង​​​កម្ពុជា និង​កីឡាករ​ជើង​ខ្លាំង​​ថៃ ប៉ះ​គ្នា

129

រាជធានី​ភ្នំពេញ ៖ ដោយសារ​នៅ​តែ​ឡើង​កូដ កីឡាករ​វ័យក្មេង​កម្ពុជា បាង កា​យ៉ាក ត្រូវ​បាន​គេ​ឲ្យ​ប្រកួត​ក្នុង​នាម​ជា​គូ​អន្តរជាតិ ក្រោយពី​កីឡាករ​រូប​នេះ​ខកខាន​បង្ហាញមុខ​នៅ​សង្វៀន​ស្ថានីយ​ទូរទស្សន៍​ប៉ុស្តិ៍​លេខ​៥​មួយរ​យៈមក​ហើយ ដោយសារ​រវល់​ពេក ។ កីឡាករ​ថៃ​ដែល​គេ​ស្គាល់​ថា ជា​ជើង​ខ្លាំង​ក្នុង​ពិភព​ប្រដាល់​ឈ្មោះ ឃុំ ផា​យ៉ាក គឺជា​គូប្រកួត ដែល​រូបគេ​ត្រូវ​ប៉ះ​ជាមួយ ។

Loading...

អ្នក​ទាំង​២​នឹង​ប៉ះ​គ្នា​នៅ​ល្ងាច​ថ្ងៃ​សៅរ៍​ទី​២៤ ខែវិច្ឆិកា នៅ​ក្នុង​ព្រឹត្តិការណ៍ TV5 Knock Out Serie by K-Cement ក្នុង​ពេល​ដែល​ការ​ប្រកួត​ជើងឯក​រដូវ​កាល​ទី​៦​នេះ ស្ថិត​ក្នុង​ដំណាក់កាល​កាន់តែ​សំខាន់ គឺជា​ការ​ជម្រុះ​ពី​៨​នាក់​យក​៤​នាក់ ឆ្ពោះទៅ​វគ្គ​ពាក់កណ្ដាល​ផ្ដាច់ព្រ័ត្រ ។

បាង កា​យ៉ាក ដែល​ជា​ជើង​ខ្លាំង​ឡើង​កូដ ត្រូវ​បាន​គេ​ចាប់អារម្មណ៍​ហួសប្រមាណ​ក្រោយ​ពី​មានការ​ប្រកាស​ថា តម្រូវ​ឲ្យ​ស្វាគមន៍​ជើង​ខ្លាំង​មក​ពី​ប្រទេស​ថៃ ឃុំ ផា​យ៉ាក ដែល​អ្នក​ណា​ៗ
ក៏​ស្គាល់​ថា​ជា​ជើង​ខ្លាំង ធ្លាប់​ប្រកួត​ឈ្នះ​កីឡាករ​កម្ពុជា​កន្លង​មក ។ វត្តមាន​កីឡាករ​ទាំង​កម្ពុជា និង ថៃ​ក្នុង​ស​ប្ដា​ហ៍​នេះ មិន​ថា​ការ​ប្រកួត​ជា​លក្ខណៈ​អន្តរជាតិ​ឬ​ការ​ប្រកួត​ជា​លក្ខណៈ​មិត្តភាព​ក្នុង ស្រុក​នោះ​ទេ ពិតជា​ធ្វើ​ឲ្យ​អ្នក​ស្នេហា​កីឡា​ប្រ ដាល់​មានការ​ចាប់អារម្មណ៍ ជា​ពិសេស​គឺ​វត្តមាន​បាង កា​យ៉ាក ដោយសារ​តែ​កីឡាករ​រូប​នេះ ទើបតែ​ឡើង​កូដ​ក្ដៅ​ៗ ។

សមាសភាព​គូប្រកួត​ជា​លក្ខណៈ​អន្តរជាតិ​នេះ ត្រូវ​បាន​គេ​អះអាង​ថា​មានការ​សម្រាំង​យ៉ាង ពិសេស ដើម្បី​ឲ្យ​អ្នក​ទស្សនា​កាន់តែ​កន្ត្រាក់​អារម្ម​ណ៍ ក្នុង​ពេល​ដែល​ស​ប្ដា​ហ៍​នេះ​គឺ​ជាស​ប្ដា​ហ៍​ដែល​តម្រូវ​ឲ្យ​អ្នកមាន​ឈ្មោះ​ក្នុង​ការ​ប្រកួត​ជ្រើសរើស​ជើងឯក​ទាំង​៨​រូប ប្រកួត​ជម្រុះ​យក​៤​រូប ដើម្បី​យក​អ្នក​ឈ្នះ​ទៅ​បន្ត​ដណ្ដើម​ជើងឯក ។

លោក សេង ក​ដិ​កា អ្នក​រៀបចំ​ការ​ប្រកួត​និយាយ​ថា សមាសភាព​ខាង​កម្ពុជា សម្រាប់​ការ ប្រកួត​ជាមួយ​ថៃ លោក​ជឿជាក់​ខ្លាំង​លើ​កីឡាករ ឃុំ ផា​យ៉ាក ដោយសារ​តែ​រូបគេ​គឺជា​ជើង​ខ្លាំង ហើយ​បើ​ទោះជា​មិនសូវ​មានបទពិសោធន៍​ច្រើន​នៅ​ក្នុង​ការ​ប្រកួត​ជា​អន្តរជាតិ​កន្លង​មក ប៉ុន្តែ​សមត្ថភាព​គេ​ល្អ ។ ម្យ៉ាង មក​ពី​លោក​ចង់​លើក មុខ​ម្ចាស់​ពាន​ផង ទើប​សម្រេច​ដាក់​ឲ្យ​ប្រកួត​ជាល​ក្ខៈ​អន្តរ​ជាតិ ដើម្បី​ឲ្យ​កាន់តែ​ទទួល​បាន ការ​ចាប់អារម្មណ៍​នៅ​ក្នុង​កីឡាប្រដាល់ ។

លោក​ប្រកាស​ថា វត្តមាន​របស់​កីឡាករ​ថៃ ឃុំ ផា​យ៉ាក គឺ​លោក​ចង់​ផ្ដល់​ឱកាស​ឲ្យ បាង កា​យ៉ាក ដោយសារ​តែ​អ្នក​ទាំង​២​សុទ្ធតែ​មាន​ស្នៀត​ល្អ​ដូច​គ្នា ទើប​លោក​ហ៊ាន​សម្រេច​ផ្គូផ្គង បើ​ទោះជា​អ្នកគាំទ្រ​ភាគច្រើន​ថា​កីឡាករ​កម្ពុជា​រូប​នេះ អាច​នឹង​ពិបាក​ទប់​កីឡាករ​ថៃ ព្រោះ គេ​ជា​ជើង​ថ្មី​ក៏​ដោយ ។

លោក​បាន​កំណត់​ឲ្យ​កីឡាករ​កម្ពុជា ហ្វឹក ហាត់​ជាប់លាប់​មិន​តិច​ជាង​១​ស​ប្ដា​ហ៍​មុន​ពេល​ផ្គូផ្គង ទើប​លោក​យល់​ថា​សមត្ថភាព​របស់​កីឡាករ​កម្ពុជា​រូប​នេះ គ្រប់គ្រាន់​សម្រាប់​ឲ្យ​ស្ថា នី​យ​ទូរទស្សន៍​ប៉ុស្តិ៍​លេខ​៥​ដាក់​ឲ្យ​ប្រកួត​ជា​លក្ខ ណៈ​អន្តរជាតិ នៅ​ថ្ងៃ​សៅរ៍​នោះ ។ គូ​នេះ​មាន ការ​ចាប់អារម្មណ៍​ភាគច្រើន ដោយ​រំពឹង​ថា​នឹង​មាន​អ្នក​ស្នេហា​កីឡាប្រដាល់​ជក់ចិត្ត និង​ចង់​ដឹង​ពី​បទ​ពិសោធន៍​របស់​អ្នក​ទាំង​២​នៅ​ពេល​ប៉ះ​គ្នា ។

លោក សេង ក​ដិ​កា បន្ត​ថា ជំនួប​ជា​លក្ខណៈ​អន្តរជាតិ​ដែល​ធ្វើ​ឡើង​នៅ​សង្វៀន​ស្ថានីយ ទូរទស្សន៍​ប៉ុស្តិ៍​លេខ​៥ មិនមែន​សុទ្ធតែ​រន្ថើន​ព្រឹត្តិការណ៍​ជើងឯក​ឲ្យ​អ្នក​ទស្សនា​កាន់តែ​មាន​អារម្មណ៍​កញ្ជ្រោល​នោះ​ទេ ប៉ុន្តែ​សម្រាប់​ជំនួប​រវាង​កីឡាករ​ទាំង​២ លោក​ជឿជាក់​ថា​នឹង​កក្រើក
ដោយសារ​កីឡាករ​ថៃ​លោក​ស្គាល់​ថ្វីដៃ​ច្បាស់​ហើយ​ថា​មិនធម្មតា ហើយ​សម្រាប់​កីឡាករ​កម្ពុជា​វិញ ក៏​ល្អ​ស្ថិត​ក្នុង​ទំនុកចិត្ត​របស់​លោក តាំងពី​មុន​ផ្គូផ្គង ៕ (​កែសម្រួល​ដោយ ៖ បុប្ផា​)