នាយ​ឧត្តមសេនីយ៍ គៀត ច័ន្ទ​ថា​រិ​ទ្ធ ក្លាយ​ជា​ប្រធាន​សហព័ន្ធ​កីឡា​វាយ​កូន​ឃ្លី​លើ​តុ​អាណត្តិ​ថ្មី

158

រាជធានី​ភ្នំពេញ ៖ កាលពី​ល្ងាច​ថ្ងៃ​ទី​២១ ខែវិច្ឆិកា​កន្លង​ទៅ នៅ​ទីស្នាក់ការ​គណៈ​ក​ម្មាធិ​ការ​ជាតិ​អូ​ឡាំ​ពិ​ក​កម្ពុជា មាន​រៀបចំ​ធ្វើ​មហាសន្និបាត​វិសាមញ្ញ​ដើម្បី​ជ្រើសរើស​ថ្នាក់ដឹកនាំ​សហព័ន្ធ​កីឡា​វាយកូនឃ្លីលើតុ​អាណត្តិ​ថ្មី បន្ទាប់​ពី​លោក​ឧកញ៉ា រ័​ត្ន សុ​ខន ប្រធាន​សហព័ន្ធ​អាណត្តិ​ចាស់​បាន​ដកខ្លួន​ចេញ​អស់​ជា​ច្រើន​ឆ្នាំ​មក ហើយ ។ នៅ​ក្នុង​ឱកាស​នោះ​ដែរ ក៏​មានការ​ចូលរួម​ធ្វើ​ជា​សាក្សី​ពី​សំណាក់​លោក ថោ​ង ខុន រដ្ឋមន្ត្រី​ក្រសួងទេសចរណ៍ និង​ជា​ប្រធាន​គណៈ ក​ម្មា​ធិ​ការ​ជាតិ​អូ​ឡាំ​ពិ​ក​កម្ពុជា និង​លោក ស សុខា រដ្ឋលេខាធិការ​ក្រសួង​អប់រំ យុវជន និង​កីឡា ។

Loading...

តាម​រយៈ​មហាសន្និបាត​វិសាមញ្ញ​នេះ ក៏​បាន​ឯកភាព​គ្នា​ធ្វើការ​ជ្រើសរើស​សមាជិក​ប្រតិបត្តិ​អា
ណ​ត្តិ​ថ្មី ដែល​មាន​លោកនាយ​ឧត្តមសេនីយ៍ គាត ច័ន្ទ​ថា​រិ​ទ្ធ ជា​ប្រធាន ។ រីឯ​អនុប្រធាន​រួម​មាន លោក​ឧត្តមសេនីយ៍ ដួង ហេង លោក តែ សុង​ហេង លោក ពុំ កិ​ត្យា និង​លោក លី សេង​ហុង ។
លោក ស៊ុន សុទ្ធា​រិ​ទ្ធ អគ្គលេខាធិការ លោក ចាន់ ពិ​សិទ្ធ អគ្គលេខាធិការ​រង លោក ព្រុំ ឌុ​ច​បូ​រ៉ា អគ្គ​ហេរញ្ញិក ហើយ​ក៏​នៅ​មាន​សមាជិក​គណៈកម្មការ​ប្រតិបត្តិ​ចំនួន​៤​រូប​ទៀត គឺ​លោក អុ​ឹ​ង ប៊ុ​ន​ឃាង លោក អម សុ​ផា​ណា លោក រស់ ជាតិ និង​លោក ដួង វ​ណ្ណា ។

លោក វ៉ា​ត់ ចំរើន អគ្គលេខាធិការ​គណៈកម្មាធិការ​ជាតិ​អូ​ឡាំ​ពិ​ក​កម្ពុជា មាន​ប្រសាសន៍​ថា នេះ​ជា​ការ​កែទម្រង់​ថ្មី​មួយ​ដើម្បី​អភិវឌ្ឍន៍​គុណភាព​កីឡា​ឱ្យទាន់​បណ្ដា​ប្រទេស​ក្នុង​តំបន់ ទ្វីប និង​ពិភព​លោក ហើយ​ការ​កែទម្រង់​នេះ​នឹង​ត្រូវធ្វើ​រហូត​ដល់​ឆ្នាំ​២០២២ ។

អ្វី​ដែល​ជា​ការ​កត់សម្គាល់​នោះ លោក ស៊ុន សុទ្ធា​រិ​ទ្ធ អគ្គលេខាធិការ​អាណត្តិ​ចាស់​ដ៏​មាន​ឥទ្ធិពល​បាន​វិល​ចូល​មក​កាន់​តំណែង​ជា​អគ្គ​លេខា​ធិ​ការ​អាណត្តិ​ថ្មី បន្ទាប់​ពី​រូប​លោក​បាន​បោះ បង់អស់​រយៈពេល​៥​ឆ្នាំ​មក​ហើយ ។ ក្រោយ​ពីលោក​ត្រូវ​បាន​តែងតាំង​ជា​អគ្គលេខាធិការ​វិញ​នេះ​បានឱ្យ​ដឹង​ថា បច្ចុប្បន្ន​នេះ​ក្នុង​សហព័ន្ធ​មាន កីឡាករ​ជម្រើសជាតិ​ចំនួន​៥​នាក់​(​ស្រី​១​នាក់​)​កីឡាករ​ថ្នាល​មាន​៨​នាក់​(​ស្រី​៣​នាក់​) មាន​យុវ កីឡាករ​ស្ម័គ្រចិត្ត​ចូល​ហ្វឹកហាត់​៨​នាក់​(​ស្រី​២​នាក់​) គ្រូបង្វឹក​ជម្រើសជាតិ​និង​ថ្នាល​៣​នាក់ ក្លិប​នៅ​ទូ​ទាំង​ប្រទេស​ចំនួន​២៥ ហើយ​នៅ​តាម​ក្លិប​នីមួយ​ៗ​មាន​​គ្រូបង្វឹក​១​នាក់​ឬ​២​នាក់ ។

លោក​រដ្ឋលេខាធិការ ស សុខា ទាមទារ​ឱ្យ​បង្កើត​ព្រឹត្តិការណ៍​ប្រកួត​ឱ្យ​បាន​ច្រើន ដើម្បី​បង្កើន​សមត្ថភាព​របស់​កីឡាករ​កីឡាការិនី​។​លោក​បញ្ជាក់​ថា ការ​ប្រកួត​កាន់តែ​ច្រើ​គឺ​កាន់តែ​ល្អ បើ​គ្មាន​ការ​ប្រកួត​ទេ​នោះ​គឺ​លំបាក​ហើយ ។

លោក គាត ច័ន្ទ​ថា​រិ​ទ្ធ បាន​បង្ហាញ​ពី​ទឹកចិត្ត​ក្នុង​ការ​បំពាក់​ឡើង​វិញ​នូវ​សម្ភារ​ហ្វឹកហាត់​និង​ប្រកួត​ឱ្យ​បាន​ត្រឹមត្រូវ ។ ជាង​នេះ​ទៀត រៀបចំ​ទីតាំង​ហ្វឹកហាត់​ឱ្យ​បាន​ល្អ​ប្រសើរ ព្រមទាំង​គិតគូរ​ពី​ការ​បញ្ជូន​កីឡាករ​ទៅ​ហ្វឹកហាត់​នៅ​ក្រៅប្រទេស ឬ​អញ្ជើញ​គ្រូ​មក​បង្ហាត់​នៅ​ក្នុង​ប្រទេស​តែ​ម្ដង ។

ម្យ៉ាងវិញទៀត រយៈពេល​ដ៏​ខ្លី​ខាង​មុខ​នេះ​លោក​នឹង​រៀបចំ​បញ្ជូន​ប្រតិភូ​មួយ​ក្រុម​ទៅ​ធ្វើ ទស្សន​កិច្ច​នៅ​សាធារណរដ្ឋ​កូរ៉េ ជប៉ុន សិង្ហ​បុរី និង​ចិន ដើម្បី​ស្វែង​យល់​ពី​ការ​រីក​ចម្រើន​លើ​វិស័​យ​កីឡាវាយកូនឃ្លីលើតុ​របស់​គេ ៕ (​កែសម្រួល​ដោយ ៖ បុប្ផា​)