ដឹង​អត់​! ម៉េ​ង វិមាន​រតនា បង្ហាញ​ពាក្យ​ចេញពី​ចិត្ត​អ្វីខ្លះ​នៅ​ថ្ងៃ​មង្គលការ​កូនស្រី

រាជធានី​ភ្នំពេញ ៖ កាលពី​យប់​ថ្ងៃ​ទី​២១ ខែវិច្ឆិកា ឆ្នាំ​២០១៩ អ្នក​នាង ម៉េ​ង វិមាន​រតនា ដែល​ជា​អតីត​តារា​សម្តែង និង​ចម្រៀង​ល្បីឈ្មោះ បាន​រៀបចំ​ពិធី​មង្គលការ​ដ៏​ធំ​មួយ​ដល់​កូនស្រី​ជាទី​ស្រឡាញ់​។ អ្នក​នាង​ដែល​ពេល​នេះ ឡើង​ឋានៈ​ជា​លោក​ជំទាវ បាន​សម្តែង​នូវ​ភាព​រំភើប​ក្រៃ​លែង ព្រោះ​នោះ​ជា​បំណង​ដែល​អ្នក​នាង និង​ស្វាមី ប្រាថ្នា​យូរ​មក​ហើយ​តាំងពី​ចាប់​គូ​ជា​ប្តី​ប្រពន្ធ​។

Loading...

ស្វាមី​របស់​អ្នក​នាង ម៉េ​ង វិមាន​រតនា មាន​ឋានៈ​ផ្កាយ​៣ មានឈ្មោះ​ថា ឯកឧត្តម មែ សា​រឿ​ន ។ ចំណែក​កូនស្រី​ច្បង​ដែល​ចូល​រោងការ​ឈ្មោះ រឿ​ន រតនា​លី​ហ្សា វ័យ​១៧​ឆ្នាំ ។ មង្គលការ​រៀបចំ​យ៉ាង​អឹ​ក​ធឹ​ក ក្រោម​ការ​ចូលរួម​ពី​ភ្ញៀវ គ្រប់​លំដាប់ និង​តារា​មួយ​ចំនួន ដោយ​សរុប​ជាង​១​ពាន់​នាក់ ឡើង​ផ្អើល​អ្នក​ចាក់​អង្រែ​។ លើស​ពី​នោះ គេ​ឃើញ​មាន​វត្តមាន អ្នក​នាង ម៉េ​ង កែវ​ពេ​ជ្ជ​តា ចូលរួម​ដោយសារ​អ្នក​ទាំង​២​ក៏​ជា​សាច់ញាតិ​បង្កើត​ជាមួយ​គ្នា​ដែរ​។

អ្នក​នាង ម៉េ​ង វិមាន​រតនា ដែល​មានសំណាង​ខ្ពស់​ក្លាយជា​ជំទាវ តែ​នៅ​រក្សា​ភាព​សាមញ្ញ បានឱ្យ​ដឹង​ថា អ្នក​នាង​ពិតជា​រំភើប​នៅ ពេល​ឃើញ​ថា បំណង​ម្តាយ​ឪពុក គ្រប់​រូប​សុទ្ធតែ​ចង់អោយ​កូន​ៗ​មាន​អនាគត​។ ដូចនេះ​អ្នក​នាង​បាន​សម្រេច​រឿង​មួយ​ក្នុង​ជីវិត​នៅ​សល់​កូនស្រី​២​នាក់​ទៀត​។
តារា​ដែល​ស្អាត​ស្រគត់ស្រគំ​រូប​នេះ​អោយ​ដឹង​ទៀត​ថា ដូច​ដឹង​ហើយ​ថា សង្គម​យើង​ឥឡូវ​ក្មេង​ៗ ពិបាក​មើល​ណាស់​ទាល់តែ​តាមដាន ហើយ​មាន​ឪពុក​ម្តាយ​ខ្លះ​ក៏​ពិបាកចិត្ត​រឿង​កូន​មិន​តិច​ដែរ ។ លុះ​កូន​ដើរ​ផ្លូវ​ល្អ អ្នក​ណា​មិន​រំភើប​។

ដោយឡែក​សិល្បៈ វិញ​តាំងពី​ដើម​មក​មិន​មាន ចិត្ត​ចង់​ឈប់​ទេ តែ​ស្វាមី​ហាម​ទើបត្រូវ​ជ្រើសរើស ដើម្បី​មើលថែ​គ្រួសារ​។ ប្រសិនបើ​មាន​ពេលវេលា​គ្រប់គ្រាន់ អាច​បង្ហាញ​វត្តមាន​លើ​កញ្ចក់​ទូរទស្សន៍ តាម​កម្មវិធី​ណាមួយ ក្នុង​ន័យ​រំលឹក​ដាន​ចាស់​ខ្លះ​ៗ ស្រប​ពេល​នឹករលឹក​មហាជន និង​អ្នកសិល្បៈ​។ (​កែសម្រួល​ដោយ ៖ បុប្ផា​)