សាលា​នគរបាល​ជាតិ​កម្ពុជា​ភូមិភាគ​៦ ទទួល​បានរថយន្ត​សង្គ្រោះ​បន្ទាន់​មួយ​គ្រឿង​ពី​សម្ដេច​ក្រឡាហោម ស ខេ​ង

ខេត្តកំពង់ឆ្នាំង ៖ ឯកឧត្តម​នាយ​ឧត្តមសេនីយ៍​សាស្ត្រាចារ្យ ឯក មនោ​សែន អនុប្រធាន​បណ្ឌិត្យសភា នគរ​នគរបាល​កម្ពុជា និង​ជា​ប្រធាន​នាយកដ្ឋាន បណ្ដុះបណ្ដាល កាលពី​រសៀល​ថ្ងៃ​ទី​២៥ ខែវិច្ឆិកា ឆ្នាំ​២០១៩ បាន​នាំ​យក​រថយន្ត​សង្គ្រោះ​បន្ទាន់​មួយ​គ្រឿង ជា​អំណោយ​ដ៏​ថ្លៃថ្លា​របស់ សម្ដេច​ក្រឡាហោម ស ខេ​ង និង​លោក​ជំទាវ មក​ប្រគល់​ជូន​សាលា​នគរបាល​ជាតិ​កម្ពុជា​ភូមិភាគ​៦ ខេត្តកំពង់ឆ្នាំង​។

Loading...

នៅ​ក្នុង​ពិធី​នោះ​ឯកឧត្តម នាយ​ឧត្តមសេនីយ៍ ឯក មនោ​សែន មាន​ប្រសាសន៍​ថា រថយន្ត​មួយ​គ្រឿង​នេះ​ជា​អំណោយ​ដ៏​ថ្លៃថ្លា របស់​សម្ដេច​ក្រឡាហោម ស ខេ​ង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ និង​លោក​ជំទាវ​ដែល​លោក​បាន​ចំណាយ​ថវិកា​ផ្ទាល់ខ្លួន​ក្នុង​ការ​ទិញ រថយន្ត សង្គ្រោះ​បន្ទាន់ មួយ​គ្រឿង​នេះ មក​ឧបត្ថម្ភ​ដល់​សាលា នគរបាល​ភូមិភាគ​៦ នៅ​ពេល​នេះ​។ រថយន្ត​សង្គ្រោះ​បន្ទាន់​មួយ​គ្រឿង​នេះ​ផង​ដែរ​គឺ​បំពាក់​ដោយ​សម្ភារ​បរិក្ខា​ទំនើប​សម្រាប់​ឲ្យ​សង្គ្រោះ​ដល់​ជន​រង​គ្រោះ បន្ទាន់​មុន​ពេល​ទៅ​ដល់​មន្ទីរពេទ្យ ដើម្បី​ឲ្យ​ក្រុម​គ្រូពេទ្យ​ជួយ​សង្គ្រោះ​បន្ត​។

ក្នុង​នាម ឯកឧត្តម តំណាង​ឲ្យ​សម្ដេច​ក្រឡាហោម ស ខេ​ង សូម​ផ្ដាំផ្ញើ​ដល់​នាយក​សាលា​គ្រប់គ្រង ក៏​ដូច​ជា​អ្នក​ប្រើប្រាស់​រថយន្ត​ផ្ទាល់ សូម​យកចិត្តទុកដាក់​ថែរក្សា​ការពារ​ឲ្យ​បាន​ល្អ ដើម្បី​ប្រើប្រាស់ យូរអង្វែង​សម្រាប់​ជា​ប្រយោជន៍​ក្នុង​ការ​ដឹក​សិស្ស​នាយ​នគរបាល នាយ​នគរបាល​រង និង​មន្ត្រី​នគរបាល​នៅ​ក្នុង​សាលា ដែល​ត្រូវការ​សង្គ្រោះ​បន្ទាន់​ទៅ​កាន់​មន្ទី​ពេទ្យ​ឲ្យ​ទាន់​ពេលវេលា​។

លោក​វី​រៈ​សេនី​ឯក តុង អាន នាយក​សាលា​នគរបាល​ជាតិ​ភូមិភាគ​៦ បាន​ថ្លែងអំណរគុណ យ៉ាង​ជ្រាលជ្រៅ​ដល់​សម្ដេច​ក្រឡាហោម ស ខេ​ង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ និង​លោក​ជំទាវ ដែល​បាន​ផ្ដល់​នូវ​រថយន្ត​សង្គ្រោះ​បន្ទាន់​នៅ​ពេល​នេះ សូម​គោរព​ជូនពរ​សម្ដេច និង​លោក​ជំទាវ​ជួប​ប្រទះ​តែ​សេចក្តីសុខ​នឹង​ពុទ្ធ​ពរ​៤ ប្រការ​គឺ អាយុ វណ្ណៈ សុខៈ និង​ពលៈ កុំបី​ឃ្លៀងឃ្លាត​ឡើយ​៕ ដោយ ៖ ពៅ សុខ​ហ៊ាន