Mourinho ថា​គ្មាន​ផ្លូវ​នាំ​យក​កីឡាករ​ចាស់វស្សា​១​រូប​នេះ​ជាន់​ដី Spurs ទេ

តាម​ប្រភព​ព័ត៌មាន ESPN បានឱ្យ​ដឹង​ថា លោក Jose Mourinho បាន​ច្រាន​ចោលការ​ចុះហត្ថលេខា​លើ​កីឡាករ Zlatan Ibrahimovic ដោយ​និយាយ​ថា ការ​នាំ​ខ្សែប្រយុទ្ធ​ម្នាក់​នេះ​មក​មិន​សម​ហេតុផល​ទេពី​ព្រោះ Tottenham មាន Harry Kane ស្រាប់​ហើយ​។

Loading...

អតីត​កីឡាករ​ព័រ​ទុ​យ​ហ្កា​ល់ ដែល​បាន​កាន់​តំណែង​ជា​គ្រូបង្វឹក​ក្រុម Tottenham កាលពី​ស​ប្តា​ហ៍​មុន​ប៉ុន្មាន​ម៉ោង បន្ទាប់​ពី​ការ​បណ្តេញ​លោក Mauricio Pochettino បាន​និយាយ​ថា​៖«​ខ្ញុំ​មាន​ជម្រើស​ច្រើន​ជាង​ជាមួយនឹង Ibrahimovic ដែល​ជា​កីឡាករ​ខ្លាំង តែ​កីឡាករ​ម្នាក់​នេះ​នឹង​មិន​អាច​មក​ក្លិប​យើង​បាន​ទេ​។ យើង​មាន​ខ្សែប្រយុទ្ធ​ឆ្នើម​បំផុត​នៅ​ក្នុង​ប្រទេស​អង់គ្លេស​។ វា​មិន​សម​ហេតុផល​ទេ​សម្រាប់​ខ្សែប្រយុទ្ធ​របស់​កីឡាករ Zlatan មក​ក្លិប​ដែល​យើង​មាន Harry Kane នោះ​»​។

លោក Mourinho បាន​បង្វឹក Ibrahimovic នៅ​ឯ​ក្លិប Inter Milan និង Manchester United ដែល​អតីត​កីឡាករ​អន្តរជាតិ​ស៊ុ​យ​អែ​ត​រូប​នេះ បាន​លេង​មុន​ពេល​ចូលរួម​ជាមួយ​ក្រុម MLS នៅ LA Galaxy ក្នុង​ឆ្នាំ ២០១៨ ។ Ibrahimovic បាន​ចាក​ចេញពី​ក្លិប​កាលពី​ដើមខែ​នេះ​។

ថ្លែង​នៅ​ក្នុង​សន្និសីទ​សារព័ត៌មាន​មុន​ពេល​ការ​ប្រកួត​ក្របខ័ណ្ឌ Champions ជាមួយនឹង​ក្លិប Olympiakos កាលពី​ថ្ងៃ​អង្គារ លោក Mourinho បាន​កោតសរសើរ​យ៉ាង​ខ្លាំង​ចំពោះ​ក្រុម​ថ្មី​របស់​លោក ហើយ​ខណៈ​ពេល​ដែល​គាត់​បាន​និយាយ​ថា​គាត់​មាន​សុទិដ្ឋិនិយម​នៅ​ក្នុង​ការ​ប្រកួត​ប្រចាំឆ្នាំ​នេះ គាត់​បាន​និយាយ​ថា​ការ​អត់ធ្មត់​ត្រូវការ​ជា​ចាំបាច់​ ។

គួរ​បញ្ជាក់​ផង​ដែរ​ថា Tottenham ទទួល​បាន​ជ័យជម្នះ ៣-២ នៅ​ឯ​គូប្រជែង​ទីក្រុង​ឡុ​ង​ដ៍ West Ham កាលពី​ថ្ងៃ​សៅរ៍ ក្នុង​ការ​ប្រកួត​លើក​ដំបូង​របស់​លោក Mourinho៕

ប្រភព ៖ espn , កែសម្រួល​ដោយ ៖ សំណាង