PSG លេង​ក្បាច់​ចងជើង​តារា​ឆ្នើម​១​រូប​ធ្វើ​ស៊ី​ផ្លូវចិត្ត Real Madrid

តាម​ប្រភព​ព័ត៌មាន Bleacher Report បានឱ្យ​ដឹង​ថា នាយក​ក្លឹ​ប Paris Saint-Germain លោក Leonardo បាន​និយាយ​ថា គ្មាន​ឱកាស​ដែល Kylian Mbappe នឹង​ចាកចេញ​ទៅ​កាន់ Real Madrid នោះ​ទេ ហើយ PSG កំពុងធ្វើការ​បន្ត​កុងត្រា​ថ្មី​សម្រាប់​តារា​ឆ្នើម​រូប​នេះ​។

Loading...

តាម​សារព័ត៌មាន Goal បានឱ្យ​ដឹង​ថា អ្នកចាត់ការ​ទូទៅ​របស់​ក្លិប Real លោក Zinedine Zidane បាន​ចាប់អារម្មណ៍​នឹង Mbappe នៅ​ក្នុង​ការ​ប្រកួត​ស្មើរ​គ្នា​រវាង Real និង PSG កាលពី​ថ្ងៃ​អង្គារ ជាមួយនឹង​លទ្ធផល ២-២​។ លោក Leonardo បាន​ប្រាប់​ថា លោក​មិន​បានឃើញ​អ្វី​ពី Zidane ឡើយ ហើយ​ក៏​បាន​ប្រាប់​ថា​៖ «​អ្វី​ដែល​ខ្ញុំ​ដឹង​ច្បាស់​គឺ Mbappe ១០០% នឹង​នៅ​ទី​នេះ​បន្ត​។ ពួក​យើង​កំពុង​តែ​រត់ការ​កុងត្រា​សម្រាប់​គេ​ហើយ​»​។

ការ​ប្រកួត​បើក​ឆាក​ដោយ Real Madrid ស៊ុត​ចូល​នៅ​នាទី​ទី​១៧ ដោយ​កីឡាករ Karim Benzema និង គ្រាប់​បាល់​ទី​២ ក៏​ត្រូវ​ស៊ុត​ដោយ​កីឡាករ​រូប​នេះ​ដែរ នៅ​នាទី​ទី​៧៩​។ ដល់​នាទី​ទី​៨១ បាន​ដល់​វេន​របស់ PSG រក​គ្រាប់​វិញ​ម្តង ដោយ​កីឡាករ​បារាំង Mbappe ហើយ​បាន​២​នាទី​ក្រោយមក ក៏ Pablo Sarabia ស៊ុត​ចូល​មួយ​គ្រាប់​ទៀត​។

គួរ​បញ្ជាក់​ផង​ដែរ​ថា Mbappe កំពុង​រីករាយ​ជាមួយនឹង​រដូវ​កាល​ដ៏​ល្អ​មួយ​ផ្សេង​ទៀត សម្រាប់​ក្រុម PSG ដោយ​រកបាន ៥​គ្រាប់ ក្នុង ៨​ប្រកួត ចំពោះ​លី​គ​១ ៕