កុមារ​កម្ពុជា​មាន​ជំងឺ​បេះដូង ទទួល​បាន​ជីវិត​ថ្មី​តាម​រយៈ​ជំនួយ​របស់​ស្ថាប័ន​ចំនួន​​៣

រាជធានី​ភ្នំពេញ ៖ អង្គការ​អ​សង្កា​ជំនួយ​អន្តរជាតិ និង​មន្ទីរពេទ្យ​រ៉ុ​ង​ជុង​កៅ​ស្យុ​ង ជាមួយ​ក្រុមហ៊ុន​អាកាសចរណ៍​ជុង​ហ័​រ បាន​រួមដៃគ្នា​ជួយ​សង្គ្រោះ​ឆ្លង​ប្រទេស កុមារ​កម្ពុជា មាន​ជំងឺ​បេះដូង​ទទួល​បាន​ជីវិត​ថ្មី ។

Loading...

ចាប់តាំងពី​បាន​បង្កើត​អង្គការ​អ​សង្កា​ជំនួយ​អន្តរជាតិ​ពី​តៃវ៉ាន់ (Asanga International Aid) នៅ​ឆ្នាំ​២០១៣​មក គឺ​អង្គការ​អ​សង្កា​ជំនួយ​អន្តរជាតិ​យើងខ្ញុំ​បាន​កំណត់​ពេលវេលា​ក្នុង​ការ​អនុវត្ត​កម្មវិធី នៅ​តំបន់​ជនបទ​ក្នុង​ប្រទេស​កម្ពុជា មានកម្ម​វិធី​ពិនិត្យ​សុខភាព​កុមារ​តូច​ៗ​ព្រមទាំង​ធ្វើការ​ផ្សព្វផ្សាយ និង​ការ​អប់រំ​លើកកម្ពស់​សុខភាព​កុមារ​។

នៅ​ខែមីនា ឆ្នាំ​២០១៦ ក្នុង​ពេល​ធ្វើ​កម្មវិធី អង្គការ​អ​សង្កា​ជំនួយ​អន្តរជាតិ​យើងខ្ញុំ​បាន​ពិនិត្យ​ឃើញ​ជំងឺ​បេះដូង​របស់​កុមារ​លាង​សែ ទោះបី​អង្គការ​អ​សង្កា​ជំនួយ​អន្តរជាតិ បានដឹង​ពី​សភាព​ជំងឺ​របស់​កុមារ​លាង​សែ​ជា​យូរ​មក​ហើយ ប៉ុន្តែ​ពួក​យើង​មិន​ហ៊ាន​យក​កុមារ​លាង​សែ​មក​ព្យាបាល​នៅ​ប្រទេស​តៃវ៉ាន់ ដោយ​ងាយ​ៗ​នោះ​ទេ យើងខ្ញុំ​ធ្លាប់​បាន​សាកសួរ​មន្ទីរពេទ្យ​នៅ​ប្រទេស​កម្ពុជា និង​នៅ​តៃវ៉ាន់​ជា​ច្រើន តែ​ទាំងអស់​សុទ្ធតែ​យល់​ថា កុមារ​លាង​សែ​បាន​ខកខាន ឬ​ហួសពេល​សម​ស្រប​ដែល​ត្រូវ​វះកាត់​ហើយ លុះ​មក​ទល់​ខែសីហា ឆ្នាំ​២០១៨ ទើបត្រូវ​បាន​គ្រូពេទ្យ​ឯកទេស​ផ្នែក​បេះដូង​កុមារ​នៃ​ក្រុម​វេជ្ជសាស្ត្រ​ទូទៅ​មន្ទីរពេទ្យ​កៅ​ស្យុ​ង (Kaohsiung Veterans General Hospital) វេជ្ជបណ្ឌិត លូ​វឹ​ន​ស៊ា​ន ធ្វើ​រោគវិនិច្ឆ័យ ហើយ​ក៏​បាន​ចាប់ផ្ដើម​ពិគ្រោះ​និង​រក​វិធី​ជួយ​កុមារ​លាង​សែ​។

វា​មិនមែន​ងាយស្រួល​សម្រាប់​លាង​សែ​ទេ ក្នុង​ការ​មក​វះកាត់​បេះដូង​នៅ​ប្រទេស​តៃវ៉ាន់ ព្រោះថា សម្ពាធ​ឈាម​របស់​កុមារ​លាង​សែ​ទាប​ណាស់ ពិតជា​គ្រោះថ្នាក់​ខ្លាំង ពេល​យន្តហោះ​កំពុង​ហោះ​ហើរ​។ យើង​សូម​ថ្លែងអំណរគុណ​យ៉ាង​ជ្រាលជ្រៅ​ចំពោះ​ក្រុមហ៊ុន​អាកាសចរណ៍​ជុង​ហ័​រ​ពី​តៃវ៉ាន់ (China Airlines) ដែល​បាន​សហ​ការណ៍​យ៉ាង​ពេញទំហឹង​ក្នុង​ការ​ធ្វើ​ដំណើរ​មក​ព្យាបាល​របស់​កុមារ​លាង​សែ នៅ​ប្រទេស​តៃវ៉ាន់​រួម​បន្ថែម​សហការ​ជាមួយ ខាង​មន្ទីរពេទ្យ​រ៉ុ​ង​ជុង ទីក្រុង​កៅ​ស្យុ​ង ដែល​មាន​សមត្ថភាព​ឯកទេស​ខ្ពស់​ក្នុង​ការ​បញ្ជូន​ជំងឺ បាន​ធ្វើ​ឱ្យ​ដំណើរការ​បញ្ជូន​ជំងឺ​សម្រេច​ដោយ​ជោគជ័យ​ទាំងស្រុង នេះ​ពិតជា​ស្ដង់ដា​អន្តរជាតិ​។

កុមារ​លាង​សែ​មាន​ជំងឺ «​សរសៃឈាម​ធំ​បេះដូង​ខុស​ទីតាំង​ពី​កំណើត និង​ស្មុគស្មាញ​» ឬ​ហៅ​ថា (D-Transposition of the Great Arteries) បច្ចុប្បន្ន​នេះ​នៅ​កម្ពុជា មិន​មាន​មន្ទីរពេទ្យ​ដែល​មាន​បច្ចេកវិទ្យា​វះកាត់​គ្រប់គ្រាន់​ដើម្បី​ដោះស្រាយ ក៏​ដោយសារ​តែ​ដូច្នេះ ទើប​ពន្យារពេល​អាយុ​ដែល​គួរតែ​ត្រូវ​បាន​អនុវត្តន៍​ការ​វះកាត់​។

បន្ទាប់​ពី​សមាគម​ន៍​អ៊ូ​ជ័រ​បាន​បញ្ជូន​លាង​សែ​ត្រឡប់​ទៅ​តៃវ៉ាន់ នៅ​មន្ទីរពេទ្យ​រ៉ុ​ង​ជុង មុន​ដំបូង​ពិនិត្យ​បំពង់​បូម​បេះដូង (Cardiac Catheterization) បន្ទាប់​មក​លោក​វេជ្ជបណ្ឌិត ផាស ជី​ន​យៀន ប្រធាន​ផ្នែក​វះកាត់​បេះដូង​កុមារ បាន​ភ្ជាប់​សរសៃឈាម​ធំ​បេះដូង​ត្រឡប់​ទៅ​ទីតាំង​ត្រឹមត្រូវ​វិញ ព្រមទាំង​ភ្ជាប់​សរសៃឈាម​បេះដូង​តូច​ៗ​ជាមួយ សរសៃឈាម​ធំ​បេះដូង​ឡើង​វិញ ការ​វះកាត់​នេះ​មានការ​ពិបាក​ខ្លាំង​ណាស់ គឺ​អស់​រយៈពេល​១៣​ម៉ោង ទីបំផុត​បាន​បញ្ចប់​ការ​វះកាត់​ដោយ​ជោគជ័យ​។ មន្ទីរពេទ្យ​រ៉ុ​ង​ជុង ទីក្រុង​កៅ​ស្យុ​ង ក្រុមការងារ​ផ្នែក​ជំងឺ​បេះដូង​កុមារ និង​ក្រុម​គិលានុបដ្ឋាយិកា បាន​ថែទាំ​ដោយ​យកចិត្តទុកដាក់​ក្រោយ​ការ​វះកាត់ ធ្វើ​ឱ្យ​កុមារ​លាង​សែ​បាន​ធូរស្បើយ​ឡើង​វិញ​យ៉ាង​រលូន មានឱកាស​រីក​ធំធាត់​ដូច​កុមារ​ដទៃ​។

កញ្ញា ឆេ​ង ណា​ន់​យូ នាយិកា​នៃ​អង្គការ​អ​សង្កា​ជំនួយ​អន្តរជាតិ បាន​និយាយ​ថា​៖ លើស​ពី​នេះ​ទៀត ចំពោះ​កុមារ​ដែល​មិន​ស្គាល់ ហើយ​មក​ពី​ចម្ងាយ មាន​អ្នក​ចិត្តល្អ​ជនជាតិ​តៃវ៉ាន់​និង​ជនជាតិ​ខ្មែរ នៅ​តៃវ៉ាន់​ជា​ច្រើន ពាណិជ្ជករ​តៃវ៉ាន់​នៅ​កម្ពុជា ក្រុម​គ្រូពេទ្យ​មក​ទទួល​ការ​បណ្ដុះបណ្ដាល​នៅ​តៃវ៉ាន់ បាន​ផ្ដល់​ឱ្យ​នូវ​ការ​យកចិត្តទុកដាក់​ខាង​ស្មារតី និង​ខាង​សម្ភារៈ​។ ភារកិច្ច​នៃ​ការ​ថែរក្សា​សុខភាព​វេជ្ជសាស្ត្រ​អន្តរជាតិ​ឆ្លង​ប្រទេស​នេះ គឺ​ទទួល​បាន​ជោគជ័យ ដោយសារ​មានការ​សហ​ការណ៍ និង​ធ្វើការ​រួម​គ្នា​៕ ដោយ​សហការ (​កែសម្រួល​ដោយ ៖ បុប្ផា​)