គម្រោង​ថវិកា​សម្រាប់​កងទ័ព ​នៅ​កូរ៉េ​ខាងត្បូង

464

សហរដ្ឋអាមេរិក​-​កួ​រ៉េ​ខាងត្បូង ៖ យោង​តាម​YONHAP​ថា ក្រសួង​ការពារ​ប្រទេស​អា​មេ​រិ​ក​វាយតម្លៃ​ថា​ការ​ដាក់​ពង្រាយ​កង​ទាហាន​អា​មេ​រិ​ក នៅ​កួ​រ៉េ​ខាងត្បូង​នឹង​ត្រូវការ​ប្រាក់​ប្រមាណ​ជា​៤,៥​ពាន់​លាន​ដុល្លារ សម្រាប់​ឆ្នាំ​សារពើពន្ធ​២០២០ ដែល​បែប​នេះ​នាំ​ឲ្យ​មាន​សំនួរ​សួរ​ថា ហេតុ​អី​ក៏​ប្រធានាធិបតី​អា​មេ​រិ​ក​លោក​ដូ​ណា​ល់​ត្រាំ ស្នើ​ដល់​ក្រុង​សេ​អ៊ូ​ល​ឲ្យ​បង់ប្រាក់​រហូត​ដល់​៥​ពាន់​លាន​ដុល្លារ ក្នុង​ក្រប​ខណ្ឌ​នៃ​ការ​ជួយ​ចែក​ចំណែក​គ្នា ចំពោះ​ការ​ចំណាយ​លើ​កងទ័ព​អា​មេ​រិ​ក​ដែល​ជ្ទ​យ​ការពារ​កូរ៉េ​ខាងត្បូង​សម្រាប់​ឆ្នាំ​ខាង​មុខ​។

Loading...

យោង​តាម​គម្រោង​ថវិកា​ដែល​រៀបរៀង​ក្នុង​ខែមីនា​ដោយ​មន្ទីរ​ប៉ង់​តា​ហ្គោ​ន ការ​ចំណាយ​សម្រាប់​បុគ្គលិក​យោធា ដល់​បណ្ដា​ប្រតិបត្តិការ​និង​លំនៅ​ឋាន​សម្រាប់​គ្រួសារ​យោធា​នៅ​កូរ៉េ​ខាងត្បូង មាន​ប្រមាណ​ជា​៤,៤៦​ពាន់​លាន​ដុល្លារ​សម្រាប់​ឆ្នាំ​សារពើពន្ធ ដែល​នឹង​បញ្ចប់​នា​ថ្ងៃ​ទី​៣០​កញ្ញា​ឆ្នាំ​២០២០​។ សម្រាប់​ឆ្នាំ​សារពើពន្ធ​២០១៩​តួលេខ​ចំណាយ​មាន​៤,៤៣​ពាន់​លាន​ដុល្លារ ទល់​នឹង​៤,៣២​ពាន់​លាន​ដុល្លារ​ក្នុង​ឆ្នាំ​២០១៨​។

អា​មេ​រិ​ក​និង​កូរ៉េ​ខាងត្បូង​កំពុង​ចរចា​គ្នា​លើ​ការ​ជួយ​ចេញ​ការ​ចំណាយ សម្រាប់​ការ​ដាក់​ពង្រាយ​កង​ទាហាន​អា​មេ​រិ​ក​២៨.៥០០​នាក់​នៅ​ឧបទ្វីប​កូរ៉េ ដែល​លោក​ត្រាំ​ទាមទារ​ឲ្យ​ក្រុង​សេ​អ៊ូ​ល​ជួយ​ចេញ​ច្រើន​ថែម​ទៀត​៕ (​កែសម្រួល​ដោយ ៖ បុប្ផា​)