បើ​មិន​ឱ្យ​ខ្មែរ​ចូល​លេង ម៉េច​ហៅ​ថា កាស៊ីណូ​ទៅ?

256

ខេត្តកំពត ៖ ​ទោះបីជា​មានការ​អនុញ្ញាត្ត​ច្បាប់ឱ្យបើក​កាស៊ីណូ​ដោយ​ស្របច្បាប់​ពី​សំណាក់​ក្រសួង​ពាក់​ព​័ន្ធ មានការ​សម​ស្រប​ក៏​ដោយ ប៉ុន្តែ​ការ​គោរព​តាម​បទបញ្ញត្តិ​របស់​អន្តរក្រសួង​បាន​កំណត់​ ឬ​ដាក់​បទបញ្ជា​អនុញាត្ត​ឲ្យ​តែ​ជនបរទេស​ចូល​លេង​ទេ គឺ​ហាម​ដាច់ខាត​ជនជាតិ​ខ្មែរ​មិន​បាន​ចូល​លេង​ ឬ​ចាក់​ភ្នាល់​រាល់​ល្បែង​ដែល​លេង​នៅ​ក្នុង​កាស៊ីណូ​ខាងលើ​នេះ​ឡើយ ។

Loading...

ប៉ុន្តែ​ផ្ទុយ​ទៅ​វិញ ​កាស៊ីណូ​មួយ​នេះ​ពី​មួយ​ថ្ងៃ​ទៅ​មួយ​ថ្ងៃ គេ​សង្កេត​ឃើញ​តែ​ជនជាតិ​ខ្មែរ​ចូល​លេង​កាស៊ីណូ​នេះ​ច្រើន​ជាង​ជនបរទេស​ទៅ​ទៀត ហើយ​ការ​ចូល​លេង​ពី​សំណាក់​ជនជាតិ​ខ្មែរ​ខាងលើ​ គេ​ពុំ​ឃើញ​អាជ្ញាធរ ឬ​សមត្ថកិច្ច​និង​ស្ថាន​ប័ន​ពាក់​ព​ន្ធ័ ជួយ​ណែនាំ​ទប់​ស្កាត់ ឬ​មាន​វិធានការ​ដល់​កាស៊ីណូ​ខាងលើ​ដល់​ម្តងណា​ឡើយ​។

រាល់​ទ​ង្វើ​ដែ​ល​កាស៊ីណូ​ខាងលើ​ អនុញ្ញាត​ឲ្យ​ពលរដ្ឋ​ខ្មែរ​សម្រុកចូល​លេង​យ៉ាង​គគ្រឹកគគ្រេង​រាល់ថ្ងៃ​បាន​ដោយ​រលូន​យ៉ាងនេះ គេ​មានការ​សង្ស័យ​ថា បើ​ម្ចាស់​កាស៊ីណូ​ច្រក​ទ្វារ​ទ្វេរ​ភាគី​តន់​ហន់​នេះ​ មិន​មានការ​ត្រូវរ៉ូវ​គ្នា​ ជាមួយ​អាជ្ញា​និង​សមត្ថកិច្ច​ពាក់​ព​័ន្ធ​ទេ​នោះ ម្ល៉េះ​ប្រជាពលរដ្ឋ​ខ្មែរ​មិន​អាច​ហ៊ាន​ចូល​លេង​ល្បែង​ស៊ីសង​ក្នុង​កាស៊ីណូ​នេះ​ឡើយ ។

ប្រភព​ព័​ត៌​មាន​ពី​ប្រជាពលរដ្ឋ​នៅ​តំបន់​ច្រក​ទ្វារ​ទ្វេរ​ភាគី​តន់​ហន់​ជា​ច្រើន​នាក់​បាន​ឲ្យ​ដឹង​ថា ដោយសារ​តែ​ពលរដ្ឋ​ខ្មែរ​ចូល​លេងល្បែង​ក្នុង​កាស៊ីណូ​នេះ​ច្រើន ទើប​កើត​មាន​ចោរកម្ម​នៅ​ក្នុង​តំបន់​នេះ​កើត​ឡើងជា​ហូរ​ហែ​នា​ពេល​កន្លង​មក​អំពើ​ហិង្សា​ក្នុង​គ្រួសារ​ ក៏​តែងតែ​កើត​មាន​ជា​ហូរហែ​ ​ដោយសារ​តែ​ការ​ចាញ់ល្បែង​កា​ស៊ីណូ​នេះ​ផង​ដែរ​។