ហ្វាំ​ង​ឡង់ ​នឹង​មាន​នាយក​រដ្ឋ​ន្ត្រី​ស្រី​ក្មេង​ជាងគេ​បំផុត​នៅ​លើ​ពិភពលោក

444

ប្រទេស​ហ្វាំ​ង​ឡង់ ​បាន​ធ្វើ​ដំណើរ​ឆ្ពោះទៅ​កាន់ការ​តែងតាំង​នាង ​សាន់​ ណា​ម៉ា​រី​ន​ (Sanna Marin) ស្ត្រី​អាយុ​៣៤​ឆ្នាំ ​ឱ្យ​ក្លាយជា​នាយក​រដ្ឋមន្ត្រី​ក្មេង​ជាងគេ​បំផុត​នៅ​ក្នុង​ពិភពលោក​។

Loading...

នាង ​សាន់ ​ណា​ម៉ា​រី​ន ​បាន​ត្រូវ​ជ្រើសរើស​ជា​មេដឹកនាំ​គណបក្ស​ប្រជាធិបតេយ្យ​សង្គម​ដែល​ជា​គណបក្ស​មាន​សម្លេង​ឆ្នោត​ច្រើន​ជាងគេ​ ដោយ​ធ្វើ​ឱ្យ​នាង​ក្លាយជា​បេក្ខជន​សម្រាប់​តំណែង​នាយក​​​រដ្ឋមន្ត្រី​។ ​នាង​បច្ចុប្បន្ន​ធ្វើ​ជា​រដ្ឋមន្ត្រីក្រសួង​គមនាគមន៍​។

ការ​តែងតាំង​រូប​នាង​ក្លាយជា​នាយក​រដ្ឋមន្ត្រី និង​ត្រូវធ្វើ​ឡើង​យ៉ាង​យូរ​ត្រឹម​ថ្ងៃ​ទី​១១​ ខែធ្នូ​ ដើម្បី​ឱ្យ​ទាន់​​​ពេល​នាង​អាច​ជា​តំណាង​ហ្វាំ​ង​ឡង់​ ទៅ​ចូលរួម​កិច្ចប្រជុំ​កំពូល​សហភាព​អឺរ៉ុប​ នៅ​ថ្ងៃ​ទី​១២​ខែធ្នូ ​នៅ​ទីក្រុង​ប្រ៊ុ​យ​សែ​ល​។

នាង​នឹង​ក្លាយជា​នាយក​រដ្ឋមន្ត្រី​ស្រី​ទី​បី ​នៃ​ប្រទេស​ហ្វាំ​ង​ឡង់ ​ដែល​មាន​ប្រជាជន​៥,៥​លាន​នាក់៕ (​កែសម្រួល​ដោយ ៖ បុប្ផា​)