សម្តេច​តេ​ជោ ៖ មុន​និយាយ​ប្រជាធិបតេយ្យ ការ​គោរព​សិទ្ធិ​មនុស្ស និង​ការ​អភិវឌ្ឍ​ត្រូវ​និយាយ​សន្តិភាព​ជា​មុន

119

រាជធានី​ភ្នំពេញ ៖ សម្តេច​តេ​ជោ ហ៊ុន សែន នាយក​រដ្ឋមន្ត្រី​បាន​បញ្ជាក់​ថា មុន​និយាយ​ប្រជាធិបតេយ្យ​ការ​គោរព​សិទ្ធិ​មនុស្ស និង​ការ​អភិវឌ្ឍ​ត្រូវ​និយាយ​សន្តិភាព​ជា​មុន ។ ការ​បញ្ជាក់​របស់​ប្រមុខ​រាជរដ្ឋាភិបាល​នេះ បន្ទាប់​ពី​ក្រុមប្រឆាំង​ក៏​ដូច​ជា បណ្តា​ប្រទេស​មួយ​ចំនួន​ទាមទារ​ឲ្យ​កម្ពុជា​ប្រកាន់​យក​លទ្ធិប្រជាធិបតេយ្យ និង​ការ​គោរព​សិទ្ធិ​មនុស្ស ។

Loading...

សម្តេច​តេ​ជោ​បាន​លើក​ឡើង​ក្នុង​ពិធីបុណ្យ​សមុទ្រ​លើក​ទី​៨ ជុំ​ទី​២ នៅ​ខេត្តកំពត កាលពី​ថ្ងៃ​ទី​២១ ធ្នូ ឆ្នាំ​២០១៩​ថា មុន​នឹង​និយាយ​ដល់​ប្រជាធិបតេយ្យ ការ​គោរព​សិទ្ធិ​មនុស្ស ការ​អភិវឌ្ឍ​ត្រូវ​និយាយ​ពី​សន្តិភាព​ជា​មុន​សិន ។ សម្តេច​បញ្ជាក់​ថា ៖«​យើង​មិន​យល់​ស្រប​ជាមួយ​អ្នក​ណា​ក៏​ដោយ​ដែល​មើល​ស្រាល​នូវ​តម្លៃ​សន្តិភាព ព្រោះ​ប្រទេស​របស់​យើង​បាន​ឆ្លងកាត់​នៃ​ការ​លំបាក​សោ​ដ​នា​កម្មរាប់​មិន​អស់ ។ យើង​មិន​អាច​ទទួលយក​បាន​នូវ​ការ​ប្រមាថ​ណាមួយ​នូវ​អ្វី​ដែល​យើង​ធ្វើ ដើម្បី​សន្តិភាពរ បស់​យើង ប៉ុន្តែ​ត្រូវ​បាន​ប្រមាថ​ពី​មជ្ឈដ្ឋាន​ណាមួយ​ចំនួន​ដែល​យើង​មិន​យល់ព្រម​ទេ​» ។

សម្តេច​បាន​លើក​ឡើង​ទៀត​ថា ព្រោះតែ​សង្គ្រាម​ឆ្នាំ​១០៩៧០ ដល់​១៩៧៥ ហើយ​បន្ត​ដល់​របប​ប៉ុ​ល​ពត ។ ហើយ​បើ​គ្មាន​សង្គ្រាម​ឆ្នាំ​១៩៧០ ក៏​មាន​របប​ប្រល័យពូជសាសន៍ នៅ​ឆ្នាំ​១៩៧៥ -១៩៧៩​ដែរ ។ បន្ទាប់​បញ្ចប់​របប​ប្រល័យពូជសាសន៍​សង្គ្រាម​ក៏​បាន​អូស​បន្លាយ​រហូត​ដល់​ឆ្នាំ​១៩៩៨ ទើបបាន​ត្រូវ​បញ្ចប់ ។ ចំណង​ដែល​អ្នក​ជាន់មុន​បង្កើត ហើយ​សង្គ្រាម​ដែល​អ្នក​ជាន់មុន​បាន​បង្កើត​ត្រូវ​បាន​ដោះស្រាយ​ដោយ​ក្មេង​ជំនាន់​ក្រោយ ។

សម្តេច​សង្កត់ធ្ងន់​ថា ៖«​នោះ​ហើយ គឺជា​បទ​ពិសោធន៍​ដែល​យើង​ត្រូវ​មាន​វត្តមាន​ជា​អចិន្ត្រៃយ៍​នៃ​សន្តិភាព​លើ​ទឹកដី​ក៏​កំសត់​របស់​ហើយ ។ គ្មាន​សន្តិភាព កុំ​និយាយ​លទ្ធិប្រជាធិបតេយ្យ និង​សិទ្ធិ​មនុស្ស ។ អតីតកាល​បាន​បង្ហាញ​ប្រាប់​យើង​ហើយ ហើយ​ឥឡូវនេះ​ប្រទេស​មួយ​ចំនួន​បាន​កំពុង​ស្ថិត​ក្នុង​សង្គ្រាម ដូច្នេះ​គេ​យល់​ថា ការ​អភិវឌ្ឍ​មិន​បាន​អភិវឌ្ឍន៍​នោះ​ទេ​ដូច​ជា នៅ​ប្រទេស​អ៊ី​រ៉ា​ក់ ស៊េរី លី​ប៊ី យ៉េ​មែន ជាដើម​» ។

ជាមួយ​គ្នា​នោះ​ដែរ សម្តេច​តេ​ជោ​ក៏​បាន​ប្រកាស​ទទួលស្គាល់​ថា សន្តិភាព​មួយ​ដែល​គ្មាន​ការ​អភិវឌ្ឍ​ពិតជា​មិន​អាច​រក្សា​បាន​សន្តិភាព​នោះ​ទេ ។ ដំណើរ​ប្រជាធិបតេយ្យ និង​កា​គោរព​សិទ្ធិ​មនុស្ស​ក៏​ជា​ផ្នែក​មួយ ដើម្បី​រក្សា​ទុក​នូវ​សន្តិភាព និង​ការ​អភិវឌ្ឍ​ដែរ ។ ដូច្នេះ​ទន្ទឹម​នឹង​ការ​ឲ្យ​តម្លៃ​សន្តិភាព យើង​ក៏​ឲ្យ​តម្លៃ​ទៅ​លើ​ការ​អភិវឌ្ឍ ដំណើរការ​ប្រជាធិបតេយ្យ និង​គោរព​សិទ្ធិ​មនុស្ស​» ។ ចំពោះ​ការ​លើក​ឡើង​របស់​សម្តេច​តេ​ជោ បន្ទាប់​ពី​លោក សម រ​ង្ស៊ី លើក​ឡើង​ថា មាន​តែ​សហគមន៍​អន្តរជាតិ​ទេ ដែល​អាច​ធានា​ទាំង​លទ្ធិប្រជាធិបតេយ្យ ទាំង​អ​ព្យា​ក្រិត​ភាព សម្រាប់​ប្រទេស​កម្ពុជា ដើម្បី​ធានា​សន្តិភាព និង​ស្ថិរភាព ក្នុង​តំបន់​អាស៊ី​ភាគ​អាគ្នេយ៍​ទាំងមូល ៕ កែសម្រួល​ដោយ ៖ សុ​ឃា​ក់