បើក​សន្និបាត​បូក​សរុប​ការងារ ឆ្នាំ​២០១៩ ដាក់​ទិស​ដៅ​បន្ត​ទៀត

130

រាជធានី​ភ្នំពេញ ៖ គណបក្ស​ប្រជាជន​កម្ពុជា​បាន​បើក​សន្និបាត​បូក​សរុប​លទ្ធផល​ការងារ​ឆ្នាំ​២០១៩ និង​ដាក់​ទិស​ដៅ​ការងារ​បន្ត​របស់​គណៈ​ចលនា​មហាជន​នៃ​គណៈកម្មាធិការ​កណ្តាល​គណបក្ស​ប្រជាជន​» ។ សន្និបាត​បាន​ធ្វើ​ឡើង កាលពី​ថ្ងៃ​ទី​២១ ធ្នូ​នេះ នៅ​ម​ជ្ឈ​ម​ណ្ឌ​កោះ​ពេជ្រ​ក្រោម​សម្តេច​វិបុល​សេនា​ភក្តី សាយ ឈុំ អនុប្រធាន​គណៈបក្ស និង​ជា​ប្រធាន​គណៈ​ប្រចាំការ​នៃ​គណៈកម្មាធិការ​កណ្តាល​គណៈបក្ស​ប្រជាជន​កម្ពុជា ។

Loading...

សន្និបាត​គណៈ​ចលនា​មហាជន​នៃ​គណៈកម្មការ​ធិ​ការ​កណ្តាល គណបក្ស​ប្រជាជន​កម្ពុជា​បាន​រៀបចំ​ពិធី​បើក​សន្និបាត​បូក​សរុប​លទ្ធផល​ការងារ ឆ្នាំ​២០១៩ និង​ដាក់​ទិស​ដៅ​ការងារ​បន្ត​របស់​ខ្លួន ក្នុង​គោលបំណង​ចែករំលែក​ព័ត៌មាន បទ​ពិសោធន៍​ការងារ និង​សម​ទ្ធិ​ផល​ការងារ​របស់​គណៈ​ចលនា​មហាជន និង​គណៈ​ជំនាញ ដែល​បាន​បំពេញ​កន្លង​មក ហើយ​ក៏​ដើម្បី​ផ្សព្វផ្សាយ​ពី​ស្ថានភាព​នយោបាយ​ជូន​ដល់​ថ្នាក់ដឹកនាំ​គណៈ​ចលនា​មហាជន​តាម​បណ្តា ក្រសួង​-​ស្ថាប័ន រាជធានី​-​ខេត្ត និង​ក្រុង​-​ស្រុក ខណ្ឌ​ទូ​ទាំង​ប្រទេស ។ សន្និបាត​នេះ ប្រព្រឹត្តិ​ទៅ​រយៈពេល​ពីរ​ថ្ងៃ គឺ​ចាប់ពី​ថ្ងៃ​ទី​២១ ដល់​ថ្ងៃ​ទី​២២ ខែធ្នូ ឆ្នាំ​២០១៩ ។

សូម​ជម្រាប​ថា អ្នកចូលរួម​ពី​សំណាក់​ថ្នាក់ដឹកនាំ​គណៈ​ចលនា​មហាជន សមាជិក សមាជិកា ជន​បង្គោល​គណៈ​ចលនា​មហាជន តាម​បណ្តា​ក្រសួង​- ស្ថាប័ន រាជធានី​-​ខេត្ត និង​ក្រុង​-​ស្រុក ខណ្ឌ ទូ​ទាំង​ប្រទេស រួម​ជាមួយនឹង​ភ្ញៀវ​កិត្តិយស​សរុប​ប្រមាណ ២៧០០ នាក់ ។ កម្មវិធី​បើក​មហាសន្និបាត (​ថ្ងៃ​ទី​២១ ខែធ្នូ ឆ្នាំ​២០១៩) នឹង​ប្រព្រឹត្ត​ទៅ​ក្រោម​អធិបតីភាព​ដ៏​ខ្ពង់ខ្ពស់​របស់ សម្តេច​វិបុល​សេនា​ភក្តី សាយ ឈុំ អនុប្រធាន​គណៈបក្ស និង​ជា​ប្រធាន​គណ​ប្រចាំការ​នៃ​គណកម្មាធិការ​កណ្តាល គណបក្ស​ប្រជាជន​កម្ពុជា និង​ពិធី​បិទ​នៅ​ថ្ងៃ​ទី​២២ ខែធ្នូ​នេះ និង​ប្រព្រឹត្ត​ទៅ​ក្រោម​អធិបតីភាព​ដ៏​ខ្ពង់ខ្ពស់​របស់​សម្តេច​អគ្គមហាសេនាបតី​តេ​ជោ ហ៊ុន សែន ប្រធាន​គណបក្ស​ប្រជាជន​កម្ពុជា ៕ កែសម្រួល​ដោយ ៖ សុ​ឃា​ក់