នៅ​ទីបំផុត ចៅក្រម​ស៊ើបសួរ​សម្រេច​ហើយ សំណុំរឿង​ថៅកែ​ស្ថានីយ​ប្រេង​ឥន្ទ​នៈ

423

រាជធានី​ភ្នំពេញ ៖ បើ​តាម​សេចក្តីរាយការណ៍​បឋម​បានឱ្យ​ដឹង​ថា ទីបំផុត​លោក ឯក ប៉ូ​លី​ហ្វីល ចៅក្រម​ស៊ើបសួរ​សាលាដំបូង​រាជធានី​ភ្នំពេញ នា​រសៀល​ថ្ងៃ​ទី​២១ ខែធ្នូ ឆ្នាំ​២០១៩ នេះ បាន​សម្រេច​ចេញ​ដីកាឃុំខ្លួន​ថៅកែ​ស្ថានីយ៍​ប្រេង​ឥន្ទ​នៈ PTT ដាក់​ពន្ធនាគារ​ជា​បណ្តោះអាសន្ន​ហើយ ក្រោម​ការ​ចោទប្រកាន់​ពី​បទ​.​ហឹ​ង្សា​ដោយ​ចេតនា មាន​ស្ថាន​ទម្ងន់ទោស ។

Loading...

បទល្មើស​ខាងលើ​នេះ យោង​តាម​បញ្ញា​តិ​មាត្រា​២១៨ នៃ​ក្រមព្រហ្មទណ្ឌ តម្រូវ​ឲ្យ​ផ្តន្ទាទោស​លើ​ជនជាប់ចោទ ដាក់​ពន្ធនាគារ​ពី​២​ទៅ​៥​ឆ្នាំ និង​មាន​ពិន័យ​ជា​ប្រាក់​ថែម​ទៀត​ផង​។ ហើយ ថៅកែ​ស្ថានីយ៍​ប្រេង​ឥន្ទ​នៈ PTT ខាង​លើ​នេះ ឈ្មោះ សា​រុន វី​ថូ​រ៉ាត់ ។

ក្នុង​នោះ​មាន​បក្ស​ជា​កូនចៅ​ថៅកែ​ស្ថានីយ​ប្រេង​ឥន្ទ​នៈ PTT មួយ​ចំនួន​ទៀត ពាក់ព័ន្ធ​អំពើ​ហិង្សា​ព្រួត​គ្នា​វាយ​គ្រូបង្រៀន​ម្នាក់ ដែល​ច្រឡំ​ចូល​បន្ទប់ទឹក​ស្ត្រី ដោយ​មានការ​ចោទប្រកាន់​ថា បាន​លួច​ថតរូប​អាក្រាត​នារី​ក្នុង​បន្ទប់ទឹក​នោះ​ផង​ដែរ ។

ដោយឡែក គ្រូបង្រៀន ឈ្មោះ អ៊ឹម សិរី​រដ្ឋ ដែល​រង​នូវ​ការ​ចោទប្រកាន់​នោះ ត្រូវ​បាន​តំណាង​អយ្យការ​អម​សាលាដំបូង​អនុញ្ញាតិ​ឲ្យ​ទៅ​ផ្ទះ​វិញ ក្រោយ​ពេល​បញ្ចប់​ការ​សាកសួរ ។ នេះ​បើ​តាម​លោក គុ​ជ គឹ​ម​ឡុ​ង ព្រះរាជអាជ្ញា​រង នឹង​ជា​អ្នកនាំពាក្យ​អយ្យការ​អម​សាលាដំបូង​រាជធានី​ភ្នំពេញ បាន​ថ្លែង​ឲ្យ​ដឹង​ប្រាប់​បណ្តាញ​អ្នក​សារព័ត៌មាន ។ (​កែសម្រួល​ដោយ ៖ បុប្ផា​)