បើកបរ​រថយន្ត​ក្នុង​ល្បឿន​លឿន​ត្រង់​ផ្លូវ​កោង ជ្រុល​ចង្កូត​ក្រឡាប់​របួសធ្ងន់​ស្រាល​២​នាក់

ខេត្ត​ប៉ៃលិន ៖ យុវជន​ម្នាក់​រង​របួសស្រាល ដោយឡែក​ម្នាក់​ទៀត​រង​របួសធ្ងន់ ត្រូវ​គេ​បញ្ជូន​ទៅ​សង្គ្រោះ នៅ​មន្ទីរពេទ្យ​បង្អែក​ខេត្ត ដោយសារ​បើកបរ​ក្នុង​ល្បឿន​លឿន​នៅ​ចំណុច​ផ្លូវ​កោង បណ្តាល​ឱ្យ​រេច​ង្កេ​ត​ធ្លាក់​ប្រឡាយ អត់​ទឹក ក្រឡាប់​ច្រើន​ត្រឡប់​។ ហេតុការណ៍​បើកបរ​រថយន្ត​ក្នុង​ល្បឿន​លឿន​ត្រង់​ផ្លូវ​កោង​ធ្លាក់​ប្រឡាយ​អត់​ទឹក​នេះ បាន​កើតឡើង នៅ​វេលា​ម៉ោង​២ និង​៣០​នាទី​រសៀល ថ្ងៃអាទិត្យ ១​កើត ខែ​ផល្គុន ឆ្នាំកុរ ឯកស័ក ព​.​ស​២៥៦៣ ត្រូវ​នឹង​ថ្ងៃ​ទី​២៣ ខែកុម្ភៈ ឆ្នាំ​២០២០ ស្ថិត​នៅ​ក្នុងភូមិ​តា​ង៉ែ​ន​ក្រោម ឃុំ​ស្ទឹង​កាច់ ស្រុក​សាលា​ក្រៅ ខេត្ត​ប៉ៃលិន​។

Loading...

ប្រភព​ព័ត៌មាន​ពី​នគរបាល​បានឱ្យ​ដឹង​ថា អ្នកបើកបរ​រថយន្ត​មានឈ្មោះ ជួន ប្រុស ភេទ​ប្រុស អាយុ​២៣​ឆ្នាំ (​រង​របួសស្រាល​) ដោយ​បើកបរ​រថយន្ត​ម៉ាក ព្រូស ពណ៌​ទឹកប្រាក់ អត់​ពាក់​ស្លាក​លេខ រង​ការ​ខូចខាត​យ៉ាងដំណំ​។ ចំណែក​អ្នក​រួម​ដំណើរ​មានឈ្មោះ ហួរ ភេទ​ប្រុស អាយុ​២៤​ឆ្នាំ រង​របួសធ្ងន់ អ្នក​ទាំង​ពីរ​រស់នៅ​ភូមិ​ស្ទឹង​កាច់ ឃុំ​ស្ទឹង​កាច់ ស្រុក​សាលា​ក្រៅ ខេត្ត​ប៉ៃលិន​។ បច្ចុប្បន្ន​ជន​រង​គ្រោះ​ទាំង​ពីរ​នាក់ ត្រូវ​បាន​គេ​បញ្ជូន​ទៅ​កាន់​មន្ទីរពេទ្យ បង្អែក​ខេត្ត រីឯ​វត្ថុ​តាង​កំពុង​រង់ចាំ​សាច់ញាតិ​ជន​រង​គ្រោះ​ទៅ​ទទួលយក​ជួសជុល ៕ ដោយ ៖ នី​យ៉ា