ពិធីបុណ្យ​ទន្លេ​រយៈពេល​៣​ថ្ងៃ មាន​ប្រជាពលរដ្ឋ​មក​កម្សាន្ត​ប្រមាណ​២០​ម៉ឺន​នាក់

ខេត្តបាត់ដំបង ៖ លោក ថោ​ង ខុន រដ្ឋមន្ត្រី​ក្រសួងទេសចរណ៍ បាន​បញ្ជាក់​ថា រយៈពេល​បី​ថ្ងៃ​នៅ​ខេត្តបាត់ដំបង ឆ្នាំ​២០២០​នេះ​ថា នៅ​ល្ងាច​ទី​១៤ ខែមីនា ឆ្នាំ​២០២០ ដែល​ជា​ថ្ងៃ​ទី​០២ និង​ជា​ថ្ងៃ​បើកផ្លូវ​ការ​នៃ​ពិធីបុណ្យ​ទន្លេ នៅ​ខេត្តបាត់ដំបង មាន​ចូល​ទស្សនា​កម្សាន្ត​ប្រមាណ​២០​ម៉ឺន​នាក់​។ លោក ថោ​ង ខុន បាន​គត់​សម្គាល់​ឃើញ​ថា ការ​សម្តែង​សិល្បៈ​ទាំង​បុរាណ និង​សម័យ​ទទួល​បានការ​ចាប់អារម្មណ៍​ខ្លាំង ពី​បងប្អូន​ប្រជាពលរដ្ឋ ដោយ​ក្នុង​នោះ ល្ខោនបាសាក់ រឿង «​ភ្នំ​សំពៅ​» មាន​ប្រជាពលរដ្ឋ​មើល​ច្រើន និង​រាំ​លេង​ក្នុង​កម្មវិធី​បុណ្យ​ទន្លេ​។

Loading...

សូម​ជម្រាប​ថា បុណ្យ​ទន្លេ​ខេត្តបាត់ដំបង ត្រូវ​បាន​រៀបចំ​រយៈពេល​៣​ថ្ងៃ ចាប់ពី​ថ្ងៃ​ទី​១៣ ដល់ ១៥ ខែមីនា ឆ្នាំ​២០២០​។ ពិធី​បើក​ជា​ផ្លូវការ​បុណ្យ​ទន្លេ​ផ្លូវការ​រៀបចំ​ឡើង នៅ​ល្ងាច​ថ្ងៃ​ទី​១៤ ខែមីនា ឆ្នាំ​២០២០ ក្រោម​អធិបតីភាព​របស់ សម្តេច​តេ​ជោ ហ៊ុន សែន នាយក​រដ្ឋមន្ត្រី​នៃ​កម្ពុជា និង​មានការ​ចូលរួម​ពី​មន្ត្រីជាន់ខ្ពស់ ក្នុង​ជួរ​រាជរដ្ឋាភិបាល​ផង​ដែរ​៕ ដោយ ៖ សុខ សា​រ៉ា​យ