ថៃ​ចាប់ផ្តើម​បិទ​ហាង​ទំនិញ​ធំ​ៗ ខណៈ​វៀតណាម​ផ្អាក​ជើងហោះហើរ​អន្តរជាតិ​ទាំងអស់

អន្តរជាតិ ៖ ប្រទេស​ថៃ និង​ប្រទេស​វៀតណាម​បង្កើន​ការ​ទប់ស្កាត់​មេរោគ​កូ​វី​ដ​-១៩ ដោយ​ប្រទេស​ថៃ ប្រកាស​បន្ថែម​ការ​បិទ​ហាង​ទំនិញ​ធំ​ៗ ( shopping malla) ហើយ​ប្រទេស​វៀតណាម​ផ្អាក​ការ​ហោះហើរ​ពី ក្រៅប្រទេស​ទាំងអស់​ចូល​ប្រទេស​វៀតណាម​។ ប្រទេស​ទាំង​ពីរ​ចាត់វិធានការ​កាន់តែ​ខ្លាំង​ដូច្នេះ ខណៈ​ពេល​ដែល​មេរោគ​កូ​វី​ដ​១៩​គំរាមកំហែង​កាន់តែ​ខ្លាំង​នៅ​ក្នុង​តំបន់​អាស៊ី​អ​គ្នេ​យ៍​។

Loading...

ថៃ​នឹង​បិទ​ហាង​ទំនិញ​ចាប់ពី​ថ្ងៃអាទិត្យ​ស្អែក​ទៅ ដោយ​លើកលែងតែ Super markets និង​ឪ​ស​ថ​ស្ថាន បន្ទាប់​ពី​នៅ​ថ្ងៃ​សៅរ៍​នេះ ថៃ​ប្រកាស​រក​ឃើញ​អ្នក​ផ្ទុកមេរោគ​កូ​វី​ដ​-១៩ រហូត​ដល់​៨៩​នាក់ ដោយ​នាំ​ឲ្យ​ចំនួន សរុប​ឡើង​ដល់​៤១១​នាក់​។ ចំណែក​ចំនួន​អ្នក​ផ្ទុកមេរោគ​កូ​វី​ដ​-១៩ នៅ​ប្រទេស​វៀតណាម​វិញ​បាន​កើនឡើង ដល់​បាន​ឡើង​ដល់​ចំនួន​៩២​នាក់​៕