ឥណ្ឌូ​នេ​ស៊ី​កប់​សាកសព​អ្នកជំងឺ​កូ​វី​ដ​-១៩ និង​អ្នក​សង្ស័យ​២៨៣​នាក់

កូ​វី​ដ​-១៩ ៖ ប្រទេស​ឥណ្ឌូ​នេ​ស៊ី​បាន​កប់​សាកសព​អ្នកជំងឺ​កូ​វី​ដ​-១៩ និង​អ្នក​សង្ស័យ​ចំនួន​២៨៣​នាក់ តែ​ក្នុង​រយៈពេល​មួយ​ខែមីនា​នេះ​ប៉ុណ្ណោះ ដោយ​បង្ហាញ​ពី​ភាព​ធ្ងន់ធ្ងរ​នៃ​កូ​វី​ដ​-១៩ ក្នុង​ប្រទេស​មួយ​នេះ​។ នេះ​បើ​យោង​តាម​អភិបាល ក្រុង​ហ្សា​កា​តា​។

Loading...

សារព័ត៌មាន Jakarta Post នា​ថ្ងៃ​ទី​៣១ ខែមីនា បាន​ដកស្រង់​សម្តី​របស់​លោក អា​នី បា​វី​ដាន អភិបាលក្រុង​ហ្សា​កា​តា​ដូចដែល​បាន​និយាយ​ថា សាកសព​អ្នកជំងឺ​កូ​វី​ដ​-១៩ និង​សាកសព អ្នក​សង្ស័យ​កូ​វី​ដ​-១៩ ចំនួន​ជិត​៣០០​នាក់ ត្រូវ​បាន​កប់​នៅ​ចន្លោះ​ថ្ងៃ​ទី​៦ ខែមីនា ដល់​ថ្ងៃ​ទី​២៩ ខែមីនា​។ សាកសព​ទាំងនោះ​ត្រូវ​រុំ​បា្ល​ស្ទីក និង​ដាក់​ក្នុង​មឈូស​ភា្ល​ម​ក្នុង​រយៈពេល​បួន​ម៉ោង បន្ទាប់​ពី​ពួ​គេ​បាន​ស្លាប់​។

លោក​និយាយ​ទៀត​ថា អ្នក​ស្លាប់​ទាំងនោះ​ខ្លះ​មិន​បាន​ធ្វើតេស្ត ខ​ណះ​ខ្លះ​ទៀត​ធ្វើតេស្ត ដែរ​តែ​មិន​ទាន់​បាន​លទ្ធផល​។ លោក​និយាយ​ថា នេះ​ជា​រឿង​គួរ​ឲ្យ​បារម្ភ​ខ្លាំង ហើយ​អំពាវនាវ​ឲ្យ​ប្រជាជន​ស្ថិត​នៅ ក្នុងផ្ទះ​។ ឥណ្ឌូ​នេ​ស៊ី​ត្រូវ​បាន​គេ​ចាត់ទុកជា​ប្រទេស​ដែល​មាន​អ្នក​ស្លាប់​ដោយ​កូ​វី​ដ​-១៩ ច្រើន​ជាងគេ​ក្នុង​តំបន់​អាស៊ាន​៕ ដោយ ៖ សហការី