លក្ខខណ្ឌ​ណាខ្លះ អាច​ដាក់​ប្រទេស​ក្នុង​ស្ថានភាព​អាសន្ន​…​?

577

រាជធានី​ភ្នំពេញ ៖ រដ្ឋសភា​ទើបបាន​អនុម័ត​ទៅ​លើ​សេចក្តីព្រាងច្បាប់​ស្តី​ពី​ការ​គ្រប់គ្រង​ប្រទេស​ជាតិ ស្ថិត​ក្នុង​ភាព​អាសន្ន​។ លទ្ធភាព​នៃ​ការ​ដាក់​ប្រទេស​ក្នុង​ស្ថានភាព​អាសន្ន​នៅ​ពេល​នេះ​គឺ​អាច នឹង​កើត​មាន​អាស្រ័យ​ទៅ​លើ​ស្ថានភាព​នៃ​ការ​រាលដាល​មេរោគ​កូ​វី​ដ​-១៩​នៅ​កម្ពុជា​។ តាម​សេចក្តី​ព្រាង​ស្តី​ពី​ការ​ដាក់​ប្រទេស​ក្នុង​ស្ថានភាព​អាសន្ន​បាន​ឲ្យ​ដឹង​ថា៖ ប្រទេស​ជាតិ​អាច​ដាក់ ក្នុង​ស្ថានភាព​អាសន្ន បើសិនជា​ប្រទេស​ជាតិ​ប្រឈម​មុខ​នឹង​គ្រោះថ្នាក់​ដូច​ជា​ការ​រាតត្បាត នៃ​ជំងឺ​ជាដើម​។

Loading...

មាត្រា​៤ នៃ​សេចក្តីព្រាងច្បាប់​បាន​ចែង​ថា​ការ​ដាក់​ប្រទេស​ជាតិ​ស្ថិត​ក្នុង​ភាព​អាសន្ន អាច​ធ្វើ​ឡើង​នៅ​ពេល​ដែល​ប្រជាជាតិ​ប្រឈម​មុខ​នឹង​គ្រោះថ្នាក់​ជា​អាទិ៍ គ្រោះថ្នាក់​ដែល​បង្ក ឡើង​ដោយសារ​សង្គ្រាម ឬ​ការ​ឈ្លានពាន ពី​កម្លាំង​បរទេស គ្រោះអាសន្ន​បន្ទាន់​ចំពោះ​សុខភាព សាធារណៈ បណ្តាល​មក​ពី​ការ​ឆ្លង​រាលដាល​ជំងឺ ភាព​វឹកវរ​ដល់​សន្តិសុខ​ជាតិ និង​សណ្តាប់ធ្នាប់​សាធារណៈ ព្រមទាំង​មហន្តរាយ​ធ្ងន់ធ្ងរ​ដែល​គំរាមកំហែង ឬ​អាច​គ្រោះថ្នាក់​រីក​រាលដាល​ដែល​កម្រិត​ទូ​ទាំង​ប្រទេស​៕ ដោយ ៖ អ៊ា​ង ប៊ុ​ន​រិ​ទ្ធ