ស្ត្រី​សម្រាលកូន​តាម​ផ្លូវ និង​មានកូន​៧​នាក់ បាន​ទទួល​អំណោយ​ពី​លោក​អភិបាល​រាជធានី

រាជធានី​ភ្នំពេញ ៖ លោកស្រី មុំ ចាន់​ដា​នី ប្រធាន​មន្ទីរ​សង្គមកិច្ច​រាជធានី​ភ្នំពេញ និង ជា​ប្រធាន​ក្រុមការងារ​ចុះ​ជួយ​សង្កាត់​គោក​រកា ក្នុង​ខណ្ឌ​ព្រែក​ព្នៅ រាជធានី​ភ្នំពេញ កាលពី​ថ្ងៃ​ទី​១៣ ខែមេសា ឆ្នាំ​២០២០ បាន​នាំ​យក​អំណោយ​លោក ឃួ​ង ស្រេង អភិបាល​បាល​រាជធានី​ភ្នំពេញ និង ជា​ប្រធាន​ក្រុមការងារ​ចុះ​ជួយ​ខណ្ឌ​ព្រែក​ព្នៅ។

Loading...

ព្រមទាំង​ក្រុមការងារយក​ទៅ​ចែក​ជូន​ស្ត្រី ដែល​សម្រាលកូន​ទី​០៧ នៅ​តាម​ផ្លូវ​នៅ​ពាក់កណ្តាល​យប់ និង​ប្រជាពលរដ្ឋ​ចំនួន​១០០​គ្រួសារ ផ្សេង​ទៀត​ដែល​កំពុង​ជួប​ការ​លំបាក នៅ​ក្នុង​សហ​គម​ន៏​ភូមិ​អណ្តូង សង្កាត់​គោក​រកា ខណ្ឌ​ព្រែក​ព្នៅ ដើម្បី​ជួយ​សម្រួលការ​លំបាក​ដោះស្រាយ​ជីវភាព​។

អំណោយ​របស់​លោក ឃួ​ង ស្រេង ដែល​បាន​ផ្តល់​ជូន​នោះ​រួម​មាន​៖ សរុប​អង្ករ​២​តោន ទឹកត្រី​១០០​យួរ​, ទឹកស៊ីអ៊ីវ​១០០​យួរ​, មី ,​ត្រីខកំប៉ុង​,​អំបិល​, សាប៊ូ​ដុំ​, និង​ថវិកា​មួយ​ចំនួន​ទៀត ដើម្បី​ជួយ​សម្រាល​ការ​លំបាក​ក្នុង​ពេល​នេះ​៕ ដោយ ៖ ច​ន ណា​រិ​ទ្ធ