ឆ្នេរ​ព្រែក​ទន្លេ​វ៉ៃ​គោ​អ្នកស្រុក​ប្រសិទ្ធ​នាម​ថា សមុទ្រ​រាម​ស្វាយ​រៀង

ខេត្តស្វាយរៀង ៖ មនុស្ស​ម្នា​នាំ​គ្នា​ទៅ​លេង​ឆ្នេ​ព្រែក​ទន្លេ​វ៉ៃ​គោ​ក្រុង​ស្វាយ​រៀង រាប់​ពាន់​នាក់ ដោយ​មិន​ខ្លាច​ការ​ឆ្លង​កូ​វី​ដ​-១៩​ទៀត​ទេ គឺ​ពួក​គេ​នាំ​គ្នា​ទៅ​កម្សាន្ត​យ៉ាងច្រើន​កុះករ អ្នកខ្លះ​និយាយ​ថា គឺ​ដើរ​លេង​សង​ពេល​បុណ្យចូលឆ្នាំ​ប្រពៃណី​ជាតិ ដែល​ខកខាន​នៅ​ក្នុងផ្ទះ ដោយសារ​កូ​វី​ដ​-១៩​។

Loading...

បើ​តាម​សមត្ថកិច្ច​នគ​បាល​ក្រុង​ស្វាយ​រៀង​បាន​ឲ្យ​ដឹង​ថា ទើបតែ​មាន មនុស្ស​មក​ដើរ​លេង​ច្រើន​ចាប់ពី​ថ្ងៃ​សៅរ៍​កន្លង​មកនេះ កន្លង​មក​គឺ​មាន​តែ​អ្នក​មក​លេង ជា​លក្ខណៈ​គ្រួសារ​រក​នេសាទ​ត្រី​បង់សំណាញ់ ឬ​អូស​អួន និង​រាវ​លៀស​រាវ​គ្រំ រួច​យក​ចម្អិន បរិភោគ​នៅ​តាម​មាត់ទឹក​នេះ ទើបតែ​នៅ​ថ្ងៃ​សៅរ៍​ទី​២៥ មេ​សា និង​ថ្ងៃអាទិត្យ ទី​២៦ មេ​សា រហូត​មក​ដល់​ថ្ងៃ​ច័ន្ទ​ទី​២៧ មេ​សា ២០២០ វេលា​ម៉ោង​៥ និង​៣០​នាទី​ល្ងាច​នេះ មាន​មនុស្ស​មក​លេង​កាន់តែ​ច្រើន​គួរ​ឲ្យ​ព្រួយបារម្ភ​។

ហើយ​ទោះបី​អាជ្ញាធរ​សង្កាត់​សង្ឃ័​រ និង​នគ​បាល​ប៉ុ​ស្តិ៍​រដ្ឋបាល​សង្ឃ័រចុះ​ទៅ​អប់រំ និង​សុំ​ឲ្យ​បំបែក​ការ​ជួបជុំ​ក៏​ដោយ គ្មាន​នរ​ណា​ស្តាប់​ទេ ពួក​គាត់​កាន់តែ​មក​ច្រើន​ឡើង​ៗ​។ គឺ​នៅ​ថ្ងៃ​ច័ន្ទ​នេះ​មនុស្ស​មក​ច្រើន មាន​ម៉ូតូ និង​រថយន្ត​រាប់​ពាន់​គ្រឿង​ទប់​លែង​ឈ្នះ ហើយ​គឺ​តាម​ឆ្នេរ​ដៃ​ព្រែក​ទន្លេ​វ៉ៃ​គោ ខាងជើង​ស្ពាន​ហា​យ​វ៉េ ស្ថិត​នៅ​ភូមិ​បាក់​រនាស់ ភូមិ​ធ្លក រហូត​ដល់​ភូមិ​ព្រះ​ទន្លេ សង្កាត់​សង្ឃ័រ ក្រុង​ស្វាយ​រៀង គឺ​ពេញព្រៀប​ទៅ​ដោយ​មនុស្ស និង​រថយន្ត​ស្ទើរ​រក​កន្លែង​ចត​គ្មាន​។

សូម​បញ្ជាក់​ផង​ដែរ នៅ​តាម​ឆ្នេរ​ព្រែក​ទន្លេ​វ៉ៃ​គោ​នេះ​គឺ​រដូវវស្សា មានទឹក​ពេញព្រៀប ដល់​ថ្នល់ជាតិ​តែ​ម្តង ទើបតែ​នៅ​រដូវប្រាំង​ឆ្នាំ​២០២០​នេះ ចាប់ពី​ខែមីនា មក​ទឹក​គោក​រាំង​ស្ងួត ធ្វើ​ឲ្យ​ឆ្នេរ​ស្ងួត​មាន​ទីធ្លា​ធំ ហើយ​ខ្យល់អាកាស​​ត្រជាក់​ល្ហើយ​ខ្យល់​បរិសុទ្ធ​ល្អ កន្លង​មក​មាន អ្នករក​ត្រី និង​រាវ​លៀស​រាវ​គ្រំ​បរិភោគ​ជា​លក្ខណៈ​គ្រួសារ ក្រោយ​ពី​ចូល​ឆ្នាំ​រួច​ក៏​មាន​មនុស្ស មក​រាវ​លៀស​រាវ​គ្រំ និង​នេសាទ​ត្រី​យក​ធ្វើ​ម្ហូប និង​ចម្អិន​ក្លែមស្រា​បៀរ​កម្សាន្ត​លេង ពេល​រសៀល​តាម​គុ​ម្ពោ​ធ​រំចាក អ្នកខ្លះ​ហៅ​ថា គុម្ព​រំចេក ផឹកស៊ី​រហូត​ដល់​យប់​ពេល​នេះ គឺ​ផ្អើល​មនុស្ស​ម្នា​មក​លេង​ច្រើន​បី​ថ្ងៃ​ចុង​ក្រោយ​នេះ​ដោយ​លែង​ខ្វល់​ពី​បំរាម ឬ​ភ័យ​ខ្លាច​ឆ្លង​កូ​វី​-១៩​ទៀត ហើយ​មនុស្ស​ប្រមាណ​ជិត​១​ម៉ឺន​នាក់​មក​កម្សាន្ត​៕ ដោយ ៖ វ៉ា​ន់ ប៊ុ​ធឿ​ន