យុទ្ធនាការ​សុវត្ថិភាព​ចរាចរ​ផ្លូវគោក នៅ​ផ្លូវជាតិ​លេខ​២១​ក្រុង​តា​ខ្មៅ

ខេត្តកណ្តាល ៖ ក្រោម​ការ​យកចិត្តទុកដាក់​របស់​លោក គង់ សោ​ភ័​ណ្ឌ អភិបាល នៃ​គណៈ​អភិបាល​ខេត្តកណ្តាល នៅ​ព្រឹក​ថ្ងៃ​ទី​១ ខែឧសភា ឆ្នាំ​២០២០ បាន​ដឹកនាំ​មន្ត្រី​ជំនាញ កងកម្លាំង​នគរបាល​ចរាចរ​ផ្លូវគោក នៃ​ស្នងការដ្ឋាន​នគរបាល​ខេត្ត កងរាជអាវុធហត្ថ​ខេត្ត បាន​ចុះ​ធ្វើ​យុទ្ធនាការ​រឹត​បន្តឹង​ច្បាប់​ស្តី​ពី​ចរាចរ​ផ្លូវគោក និង​សុវត្ថិភាព​ចរាចរ ដល់​បងប្អូន ប្រជាពលរដ្ឋ ដែល​ជា​អ្នក​ប្រើប្រាស់​ផ្លូវថ្នល់​គ្រប់​រូប ស្ថិត​នៅ​ក្នុង​សង្កាត់​តា​ខ្មៅ ក្រុង​តា​ខ្មៅ ខេត្តកណ្តាល​។

Loading...

លោក​អភិបាលខេត្ត​បាន​ឲ្យ​ដឹង​ថា យុទ្ធនាការ​នា​ពេល​នេះ មាន​គោលបំណង លើកកម្ពស់​ការ​យល់​ដឹង​អំពី​ច្បាប់​ចរាចរ​ផ្លូវគោក និង​ជា​ការ​ពញ្ញាក់​ស្មារតី​ដល់​អ្នក​ប្រើប្រាស់ ផ្លូវថ្នល់ សំខាន់អ្នក​ប្រើប្រាស់​ទោចក្រយានយន្ត​ឲ្យ​មានការ​ប្រុង​ប្រយ័ត្ន នៅ​រាល់ពេល​ធ្វើ ដំណើរ​តាម​ដងផ្លូវ សំខាន់​តាម​បណ្តោយ​ផ្លូវជាតិ​លេខ​២១​នេះ​។

លោក​បាន​ធ្វើការ​ណែនាំ អប់រំ​ដល់​បងប្អូន​អ្នក​ជិះ​ម៉ូតូ​ដែល​បាន​មិន​បាន​ពាក់មួក​សុវត្ថិភាព អំពី​សុវត្ថិភាព​ចរាចរ ដែល​បង្ក​ឲ្យ​មាន​ហានិភ័យ​បណ្តា​មក​ការ​ពី​មិន​ពាក់មួក​សុវត្ថិភាព ឬ សួរនាំ​អំពី​ច្បាប់​ចរាចរ​ទៀត​ផង​។ លោក​ក៏​បាន​ឲ្យ​ដឹងផង​ដែរ​ថា បច្ចុប្បន្ន​នេះ​គ្រោះថ្នាក់​ចរាចរ ជា​បញ្ហា​ចោទ​សម្រាប់​យើង​ទាំងអស់​គ្នា នៅ​ពេល​បើកបរ​ត្រូវ​គោរព​ឲ្យ​ខាន​តែ​បាន នូវ​ច្បាប់​ចរាចរ​។

លោក​បាន​បញ្ជាក់​ផង​ដែរ​ថា យុទ្ធនាការ​រឹត​បន្តឹង​ច្បាប់​ស្តី​ពី​ចរាចរ​ផ្លូវគោក និង​សុវត្ថិភាព​ចរាចរ គឺ​ប្រព្រឹត្ត​ទៅ​ដូច​ភ្លៀងរលឹម ដោយ​នគរបាល​ចរាចរ​បាន​ឃាត់​អ្នក​ជិះ​ម៉ូតូ ដែល​អត់​ពាក់មួក​សុវត្ថិភាព បើក​លើស​ល្បឿន​ដែល​បាន​កំណត់​។ ដូច្នេះ​គ្រប់​អ្នកបញ្ជា យានយន្ត​គ្រប់​ប្រភេទ ត្រូវ​ប្រកាន់​ភ្ជាប់​នូវ​ការ​គោរព​ច្បាប់​ចរាចរ​ឲ្យ​បាន​គ្រប់​ៗ​គ្នា​៕ ដោយ ៖ ប៉ឹង ឆដា