ប្រជា​កសិករ​ចិញ្ចឹម​កង្កែប អាច​រក​ចំណូល​បាន​ប្រសើរ​ជាង​ទៅ​ធ្វើការ​ចំណាកស្រុក

ខេត្តបន្ទាយមានជ័យ ៖ អភិបាលក្រុង​សិរី​សោភ័ណ​កោត​ស​សើរ​ប្រជា​កសិករ​ចិញ្ចឹម​កង្កែប​អាច​រក​ចំណូល​បាន​ប្រសើរ​ជាង​ទៅ​ធ្វើការ​ចំណាកស្រុក​ដែល​ចុះ​ពិនិត្យ​មើល​កាលពី​ថ្មី​ៗ​នេះ​ស្ថិត​ក្នុងភូមិ​កន្ទួត សង្កាត់​ភ្នៀ​ត ក្រុង​សិរី​សោភ័ណ​។ ក្នុង​ឱកាស​ដែល​អភិបាលក្រុង​សិរី​សោភ័ណ​លោក ហ៊ឹ​ល រ៉ា​យ៉ា និង​មន្ត្រី​ជំនាញ ចុះ​ពិនិត្យ​ប្រជាពលរដ្ឋ​មើល​ការ​ចិញ្ចឹម​កង្កែប​បាន​កោត​ស​សើរ​ចំពោះ​ប្រជាពលរដ្ឋ​ដោយ​មិន​ចាំបាច់​ចំណាកស្រុក​ទៅ​រក​ការងារ​ធ្វើ​ប្រទេស​ក្រៅ ដោយ​បង្កើន​ជីវភាព​ក្នុងស្រុក ដោយ​ការ​ចិញ្ចឹម​កង្កែប សម្រាប់​លក់​ក្នុង​ទីផ្សា​ក្នុងស្រុក​អាច​ចិញ្ចឹម​ជីវភាព​ការ​រស់​ដោយ​សុខសាន្ត​។

Loading...

លោក​បាន​ណែនាំ​ដល់ ប្រជា​កសិករ​ត្រូវ​តែ​បន្តការងារ​ចិញ្ចឹម​កង្កែប​ដើម្បី​ផ្គត់ផ្គង់​ទីផ្សារ​ក្នុងស្រុក​នៅ​ពេល​ដែល​ជំងឺឆ្លង​កូ​វី​ដ​-១៩ ដែល​កំពុង​រាតត្បាត​នៅ​តាម​បណ្តា​ប្រទេស ហើយ​នៅ​កម្ពុជា​កំពុង​យកចិត្តទុកដាក់​ពី​ប្រមុខ រាជរដ្ឋាភិបាល កម្ពុជា បាន​បង្ការ​ទប់ស្កាត់​វី​រូស​កូ​រូ​ណា ឬ​កូ​វី​ដ​-១៩ ដើម្បី​តម្រូវការ​ចាំបាច់ ត្រូវ​ដាំ​ដុះ ចិញ្ចឹមសត្វ​សម្រាប់​តម្រូវ​ទីផ្សា​ក្នុងស្រុក​បើ​មានការ​ខ្វះ​ទុន​ក្នុង​ការ​វិនិយោគ​ការ​ចិញ្ចឹម និង​ដាំ​ដុះ​គឺ​ឯកឧត្តម កែ គឹ​ម​យ៉ា​ន ឧបនាយករដ្ឋមន្ត្រី និង​លោក​ជំទាវ ម៉ៅ ម៉ា​ល័យ បាន​បង្កើត​មូលនិធិ ជម្រាប​ជួយ​ដល់​ប្រជាពលរដ្ឋ​។

ប្រជា​កសិករ​បាន​បញ្ជាក់​ថា​៖ ការ​ចិញ្ចឹម​កង្កែប ពិតជា​ប្រសើរ​ជាង​ទៅ​រក​ការងារ​ធ្វើ​ដោយ​ចំណាក​ក្រៅប្រទេស អាច​រក​ចំណូល​បាន​សម្រាប់​ផ្គត់ផ្គង់ គ្រួ​សារបាន​ប្រសើរ​ឡើង តែ​រយៈពេល​កន្លង​មក​ជួប​បញ្ហា​ទីផ្សារ​ការ​លក់ដូរ​ដោយ​ចិញ្ចឹម​បាន​ហើយ លក់​បាន​ថោក ដោយ​មិន​បាន​ចំណេញ​ប៉ុន្មាន ក្រោយ​គឹ​តថ្លៃ​ចិញ្ចឹម​ទិញ​ពូជ​ន៍ និង​ចំណី សម្ភារ​ចិញ្ចឹម សង្ឃឹមថា​អាជ្ញាធរ ឬ​មន្ត្រី​ជំនាញ​ជួយ​រក​ទីផ្សារ​លក់​ឲ្យ​ប្រសើរ​ឡើង​ទើប​ប្រជា​កសិករ មាន​កម្លាំងចិត្ត ក្នុង​ការ​ចិញ្ចឹម​៕ ដោយ ៖ ប៊ុ​ន ធឿ​ន