«​ឆ្នេរ​ជំទាវ​ម៉ៅ​» ជា​ឆ្នេរ​សាធារណៈ មាន​សោភ័ណ​ភាព​បែប​ធម្មជាតិ

ខេត្ត​ព្រះ​សីហ​នុ ៖ តំបន់ឆ្នេរ​ដែល​ជា​កន្លែង​កម្សាន្ត​ថ្មី​មួយទៀត បាន និង​កំពុង​រីក​ផុស​ឡើង នៅ​ក្នុង​ទឹកដី​ស្រុក​ព្រៃ​នប់​ខេត្ត​ព្រះ​សីហ​នុ ដែល​កន្លែង​នេះ​សម្បូរ​ទៅ​ដោយ​ធម្មជាតិ​ស្រស់បំព្រង ឆ្នេរ​ខ្សាច់​ល្អ ដែល​ពី​មុន​តំបន់​នេះ​បាន​លាក់ខ្លួន​នៅ​ក្នុង​ព្រៃ ហើយ​ក៏​ជា​កន្លែង​ដែល​មិនសូវ​មាន​គេ ចាប់អារម្មណ៍​។

Loading...

លោក ស កក្កដា អភិបាលស្រុក​ព្រៃ​នប់​បាន​សរសេរ​បង្ហោះ​នៅ​ក្នុង​ហ្វេ​ស​ប៊ុ​ក​ផ្ទាល់ខ្លួន របស់​លោក​ថា តាម​ប្រសាសន៍​ឯកឧត្តម គួ​ច ចំរើន អភិបាល នៃ​គណៈ​អភិបាលខេត្ត​ព្រះ​សីហ​នុ ទីតាំង​ឆ្នេរ​ដែល​ទើបនឹង​រីក​ផុស​ឡើង​នេះ ហើយ​បាន​រៀបចំ​ថ្មី​នេះ​នឹង​ត្រូវ​ដាក់​ឈ្មោះ​ថា «​ឆ្នេរ​ជំទាវ​ម៉ៅ​»។

«​ឆ្នេរ​ជំទាវ​ម៉ៅ​» មាន​ទីតាំង​ស្រប​នឹង​ផ្លូវ​ជំទាវ​ម៉ៅ​ដែល​ទើបតែ​ស្ថាបនា​ថ្មី (​ផ្លូវ​ដែល​មាន​ដើមឈើ​នៅ​ចំ​កណ្តាល​) ស្ថិត​ក្នុងភូមិ​គគីរ ឃុំ​បិត​ត្រាំ​ង ស្រុក​ព្រៃ​នប់ ខេត្ត​ព្រះ​សីហ​នុ​។
កន្លែង​នេះ​នឹង​បង្ហាញ​ពី​សោភ័ណ​ភាព​បែប​ធម្មជាតិ និង​ជា​ឆ្នេរ​សាធារណៈ ទុក​ជូន​ភ្ញៀវ​ជាតិ អន្ដរជាតិ មក​ទស្សនា លេង​កម្សាន្ដ​បាន​គ្រប់ពេល​៕ ដោយ ៖ ហ៊ុយ ចាន់​ធួន