ធ្លាក់​យន្តហោះ​នៅ​ប៉ា​គី​ស្ថាន មនុស្ស​ជា​ច្រើន​អាច​ស្លាប់

អន្តរជាតិ ៖ ក្រុម​មន្ត្រី​អាកាសចរណ៍​និយាយ​ថា យន្ដហោះ​អន្ដរជាតិ​ប៉ា​គី​ស្ថាន​បាន​ធ្លាក់​នៅ​ក្រុង​កា​រ៉ា​ជី ហើយ​មនុស្ស​ជា​ច្រើន​ត្រូវ​គេ​យល់​ថា អាច​បាត់​បង់ជីវិត​។ នេះ​បើ​តាម​សេចក្តីរាយការណ៍​ព័ត៌មាន​BBC កាលពី​កន្លះ ម៉ោង​មុន​នេះ​នៅ​ថ្ងៃ​សុក្រ​។ ជើងហោះហើរ PK8303 ដែល​ដឹក​អ្នកដំណើរ​៩១​នាក់ និង​ក្រុម​បម្រើ​ការ​លើ​យន្តហោះ ៨​នាក់ បាន​ហោះ​ពី​ឡា​ហ័​រ​ទៅ​អាកាស យានដ្ឋាន​អន្តរជាតិ​ជី​ន​ណា​ដែល​ជា​អាកាសយានដ្ឋាន​មមាញឹក​បំផុត មួយ​របស់​ប៉ា​គី​ស្ថាន​។

Loading...

រូបភាព​បាន​បង្ហាញ​ពី​ទិដ្ឋភាព​នៃ​ការ​បំផ្លិចបំផ្លាញ​នៅ​ក្នុង​តំបន់​លំនៅ​ដ្ឋា​ន Model Colony​។ ប្រតិបត្តិការ​សង្គ្រោះ បន្ទាន់​បាន​ទៅ​ដល់​កន្លែង​កើតហេតុ​។ រហូត​មក​ដល់​ពេល​នេះ​មិន​ទាន់​មានការ​បញ្ជាក់​អំពី​ចំនួន អ្នក​ស្លាប់ និង​របួស​នៅឡើយ​ទេ ប៉ុន្តែ​មនុស្ស​ជា​ច្រើន​ត្រូវ​បាន​គេ​ខ្លាច​ថា​បាន​បាត់បង់​ជីវិត​។

យន្តហោះ​ប្រភេទ Airbus A320 ជិត​នឹង​ចុះ​ចត​នៅ​ពេល​ដែល​វា​បាន​ធ្លាក់​នៅ​ក្បែរ Model Colony ដែល​ជា​សង្កាត់​មួយ​នៃ​ក្រុង Karachi ចម្ងាយ​ប្រហែល ៣,២ គីឡូម៉ែត្រ (​ភាគ​ខាងជើង​) នៃ​អាកាសយានដ្ឋាន​អន្តរជាតិ Jinnah៕ ដោយ ៖ សហការី