អាណិត​ណាស់ ! បុរស​ម្នាក់​លក់​ដូង​តាម​រ៉ឺ​ម៉ក អស់​លុយ​១​ពាន់​ដុល្លារ​ទាំង​ព្រឹក

753

រាជធានី​ភ្នំពេញ ៖ រថយន្ត​ស៊េរី​ទំនើប​ម៉ាក ម៊ែ​សឺ​ដែ​ស ស៊េរី​ឆ្នាំ​២០១៨ ថ្មី​សន្លាង​មួយ​គ្រឿង បាន​បែក​ភ្លើង ស្តុ​ប​ម្ខាង និង​ឆ្កូត​ផ្នែក​ខាងក្រោយ​អស់​មួយ​ចំនួន​ទៀត​រង​ការ​ខូចខាត​យ៉ាងដំណំ​ផង​ដែរ​។ ខណៈ​ដែល​បុរស​ជនជាតិ​ចិន​ម្នាក់​កំពុង​តែបើ​កប​រហើយ​ភ្លើងស្តុប​លោត​ក្រហម និង​ជាន់​ហ្វ្រាំង​ឈប់​ស្តុ​ប ក៏​ត្រូវ​បុរស​ម្នាក់​បើក​ម៉ូតូ​រ៉ឺ​ម៉ក​ដឹក​ផ្លែ​ដូង​ដើរ​លក់​មួយ​គ្រឿង​បើក​ដោយ​ខ្វះ​ការ​ប្រុង​ប្រយ័ត្ន​មក​បុក​ពីក្រោយ ហើយ​គេ​ទារ​សំណង​ចំនួន​៥​ពាន់​ដុល្លារ បុរស​លក់​ផ្លែ​ដូង​សំពះ​អង្វរ​សុំ​ត្រឹមតែ​ចំនួន ១​ពាន់​ដុល្លារ បញ្ចប់រឿង​នៅ​នឹង​កន្លែង​កើតហេតុ​នោះ​។

Loading...

ករណី​គ្រោះថ្នាក់​ចរាចរណ៍​នេះ​ដែរ​បាន​កើតឡើង​កាលពី វេលា​ម៉ោង​១០ និង​១៥​នាទី​ព្រឹក ថ្ងៃ​ទី​២៥ ខែឧសភា ឆ្នាំ​២០២០ នៅ​ចំណុច​ភ្លើងស្តុប​ស្ថានទូត​រុ​ស្ស៊ី ក្នុង​សង្កាត់​ទន្លេបាសាក់ ខណ្ឌចំការមន​។ តាម​ប្រភព​ព័ត៌មាន​ពី​នគរបាល​ប្រាប់​ឱ្យ​ដឹង​ថា មុន​ពេល​កើតហេតុ រថយន្ត​ស៊េរី​ទំនើប​ម៉ាក ម៊ែ​សឺ​ដែ​ស ព៌​ណ​ខ្មៅ ពាក់​ស្លាក​លេខ​ភ្នំពេញ ២AX-០៧៧៧ មួយ​គ្រឿង ដែល​បើកបរ​ដោយ​បុរស​ជនជាតិ​ចិន​ម្នាក់ តាម​បណ្តោយ​ផ្លូវ​ព្រះ​សុធារស ក្នុង​ទិស​ដៅ ពី​ជើង​ទៅ​ត្បូង​រួម​ជាមួយនឹង​យានយន្ត​ជា​ច្រើន​ទៀត​ផង​ដែរ​។

លុះ​មក​ដល់​ចំណុច​កើតហេតុ ភ្លើងស្តុប​ក៏​ឡើង​ព៌​ណ​ក្រហម ហើយ​បុរស​ជនជាតិ​ចិន​ជា​អ្នកបើកបរ​ក៏​ជាន់​ហ្វ្រាំង​ឈប់ ក៏​ស្រាប់តែ​មាន​ម៉ូតូ​រ៉ឺ​មក​ដឹក​ដូង​មួយ​គ្រឿង បើ​កម​មក​ពីក្រោយ​ស្រប​ទិស​គ្នា ជាន់​ហ្វ្រាំង​មិន​ទាន់​ក៏​បុក ចំ​ពីក្រោយ បណ្តាល​ឲ្យ​បែក​ស្តុ​ប​ម្ខាង និង​ឆ្កូត​ផ្នែក​ខាងក្រោយ​អស់​មួយ​ចំនួន ទៀត​ផង​ដែរ​។ តាម​ប្រភព​ដដែល​បាន​ប្រាប់​បន្ត​ទៀត​ថា ក្រោយ​ពេល​កើតហេតុ កម្លាំង​មាន​សមត្ថកិច្ច​នគរបាល​ប៉ុស្តិ៍ ទន្លេបាសាក់ ក៏​បាន​ចុះ​មក​ដល់​ធ្វើការ​គូសវាស់​យក​រថយន្ត​ស៊េរី​ទំនើប​ម៉ាក ម៉ែ​សឺ​ដែ​ស និងម៉ូតូ​រ៉ឺ​ម៉ក​ដឹក​ដូង ទៅ​ដាក់​លើ​ចិញ្ចើម​ផ្លូវ​ធ្វើការ​និយាយ​ដោះស្រាយ​គ្នា ។

ដោយ​ភាគី​ខាង​បុរស​ជនជាតិ​ចិន ទាមទារ​សំណង​ថ្លៃ​ខូចខាត​ចំនួន​៥​ពាន់​ដុល្លារ តែ​ភាគី​ខាង បុរស​ជា​អ្នកលក់​ដូង​មិន​មាន​លទ្ធភាព សង​ឡើយ​។ ក្រោយ​ពី​ធ្វើការ​និយាយ​ដោះស្រាយ​គ្នា បុរស​ជា​អ្នកលក់​ដូង សំពះ​អង្វរ​អស់​រយៈពេល ជិត​មួយ​ម៉ោង ដោយ​ខ្លួន​មាន​លទ្ធភាព​ត្រឹម​ចំនួន​១​ពាន់​ដុល្លារ​ទៅ​ឲ្យ​ភាគី​ខាង​រថយន្ត​ម៉ាក​ម៊ែ​សឺ​ដែ​ស ដើម្បី​បញ្ចប់រឿង​នៅ​នឹង​កន្លែង​កើតហេតុ​៕ ដោយ ៖ ភី ផល