ក្រសួងសុខាភិបាល​ចុះ​យក​សណា​កកូ​វី​ដ​-១៩ ពី​ភ្ញៀវ​បរទេស​ចំនួន​១២២​នាក់

157

រាជធានី​ភ្នំពេញ ៖ កម្លាំង​គណៈ​បញ្ជាការ​ឯកភាព​ខណ្ឌដូនពេញ ដែល​ដឹកនាំ​ដោយ​លោក សុខ ពេញ​វុ​ធ ជា​អភិបាល នៃ​គណៈ​អភិបាល​ខណ្ឌ សហការ​ជាមួយនឹង​លោក ចៅ តារា​ភ័ក្ត្រ ប្រធាន​មន្ទីរពិសោធន៍​ជាតិ​សុខភាព​សាធារណៈ នៃ​ក្រសួងសុខាភិបាល បាន​ចុះ​មក​យក​សំណាក​ពី ភ្ញៀវ​បរទេស​ចំនួន ១២២​នាក់ ដែល​ទើបតែ​ចូល​មក​កាន់​ប្រទេស​កម្ពុជា និង កំពុង​តែ​នាំ​គ្នា​ស្នាក់​នៅ ក្នុង​សណ្ឋាគារ «​អូ​ខេ ប៊ូ​ទិ​ក​» ដើម្បី​ពិនិត្យ​រក​ជំងឺ​កូ​វី​ដ​-១៩​។

Loading...

ប្រតិបត្តិការ​នេះ​ដែរ​បាន​ធ្វើ​ឡើង​កាលពី វេលា​ម៉ោង​០៤ និង​៤០​នាទី​ល្ងាច ថ្ងៃ​ទី​២៥ ខែឧសភា ឆ្នាំ​២០២០ នៅ​ចំណុច​សណ្ឋាគារ «​អូ​ខេ ប៊ូ​ទិ​ក​» ដែល​មាន​ទីតាំង​អគារ​លេខ​១៧៤ ផ្លូវ​លេខ​១៩ ក្នុង​សង្កាត់​ជ័យ​ជំនះ ខណ្ឌដូនពេញ​។ លោក សុខ ពេញ​វុ​ធ អភិបាល​នៃ​គណៈ​អភិបាល​ខណ្ឌដូនពេញ បាន​ប្រាប់​ឱ្យ​ដឹង​ថា ដោយ​មានការ​សហការ អំពី​សំណាក់ លោក ចៅ តារា​ភ័ក្ត្រ ប្រធាន​មន្ទីរពិសោធន៍​ជាតិ​សុខភាព​សាធារណៈ នៃ​ក្រសួងសុខាភិបាល ជាមួយនឹង​គណៈ​បញ្ជា​រការ​ឯកភាព​ខណ្ឌ​ដូ​នេ​ពេញ ក្រោម​ការ​ដឹកនាំ​ចូលរួម ដោយ​រូប​លោក​ផ្ទាល់​នោះ​។

បាន​ដឹកនាំ​កម្លាំង​ចូលរួម​យក​សំណាក​ពី​ជនបរទេស​ប្រុស​ស្រី សរុប​ចំនួន ១២២​នាក់ ដែល​ទើបតែ​មក​ពី​ក្រៅប្រទេស និង​កំពុង​នាំ​គ្នា​ចូល​មក​ស្នាក់​នៅ​ក្នុង​សណ្ឋាគារ «​អេ​ខេ ប៊ូ​ទិ​ក​» មួយ​កន្លែង​ដែល​មាន​ទីតាំង​ដូច​ខាងលើ​នេះ ក្នុង​គោលបំណង​ដើម្បី​ត្រួតពិនិត្យ​រក​ជំងឺ​កូ​វី​-១៩​។ លោក​ក៏​បាន​បន្ត​ទៀត​ថា ប្រតិបត្តិការ​ត្រួតពិនិត្យ​យក​សំណាក​ពី​ភ្ញៀវ​បរទេស​ប្រុស​ស្រី ទាំង​១២២​នាក់ ដែល​កំពុង​តែ​ស្នាក់​នៅ​ក្នុង​សណ្ឋាគារ «​អូ​ខេ ប៊ូ​ទិ​ក​» ខាងលើ​នេះ​ដែរ គឺ​ធ្វើ​ឡើង​ទៅ​តាម​យុទ្ធនាការ ប្រយុទ្ធ​ប្រឆាំង​ទៅ​នឹង​ជំងឺឆ្លង កូ​វី​ដ​-១៩ ទៅ​តាម​ការ​ណែនាំ​របស់​ក្រសួងសុខាភិបាល​។

ក្នុង​ការ​ចុះ​យក​សំណាក​ពី​ភ្ញៀវ​បរទេស ប្រុស​ស្រី ទាំង​១២២​នាក់ ដើម្បី​ត្រួតពិនិត្យ​រក​ជំងឺ​កូ​វី​ដ​-១៩ ខាងលើ​ដែល​ទើបតែ​មក​ពី​ក្រៅប្រទេស និង​ចូល​មក​ស្នាក់​នៅ​ក្នុង​សណ្ឋាគារ «​អូ​ខេ ប៊ូ​ទិ​ក​» របស់​វិទ្យាស្ថាន​ជាតិ សុខភាព​សាធារណៈ សហការ​ជាមួយនឹង កម្លាំង​គណៈ​បញ្ជា​រការ​ឯកភាព​ខណ្ឌ ដូនពេញ​នេះ​ដែរ ដើម្បី​គ្រប់គ្រង និង​ណែនាំ​ពួក​គាត់​មិន​ឲ្យ​ចេញ​ទៅ​ខាង​ក្រៅពី​បរិវេណ​សណ្ឋាគារ ឡើយ រហូត​ដល់​ថ្ងៃ​កំណត់ និង​មាន​បញ្ជា​ពី​ក្រសួង ឬ​ស្ថាប័ន​ពាក់ព័ន្ធ​ទើប​អាច​អនុ ញ្ញាត​ឲ្យ​ចេញ​ខាងក្រៅ និង​ដើរហើរ​បាន​សេរី​៕ ដោយ ៖ ភី ផល