មន្ត្រីនគរបាល​មិនត្រូវ​យកអំណាច​ទៅ​អនុវត្ត​នោះ​​ទេ​

ខេត្តកំពង់ចាម៖ ​មន្ត្រី​នគរបាល​ពេល​ចុះ​បង្ក្រាប​បទល្មើស​នានា ​នៅ​ក្នុង​មូលដ្ឋាន​របស់​ខ្លួន មិន​ត្រូវ​យក​អំណាច​ទៅ​អនុវត្ត​នោះ​ទេ គឺ​ត្រូវ​ប្រើ​ច្បាប់​ជា​គោល ដើម្បី​បំពេញការងារ​មាន​ពេល​ខ្លះ​ប្រជាពលរដ្ឋ​បាន​ប្តឹង​មន្ត្រី​មួយ​ចំនួន​ទៅ​សម្ដេច​ក្រឡាហោម​ស ខេ​ង ដើម្បី​ឲ្យ​ជួយ​អន្តរាគមន៍​តាម​រយ​:​ហ្វេ​ស​ប៊ុ​ក​។ នេះ​ជា​ប្រសាសន៍​លើក​ឡើង​របស់​ឯកឧត្តម​អ៊ុ​ន ចាន់​ដា អភិបាលខេត្ត​ថ្លែង​ នៅ​ក្នុង​ពិធី​បិទ​វគ្គ​បណ្ដុះបណ្ដាល​កម្រិត​បឋម​វិជ្ជាជីវៈ​នគរ​បាល​ជំនាន់​ទី​១៤​លើក​ទី​២ នៅ​សាលា​នគរបាល​ភូមិភាគ​២​ខេត្តកំពង់ចាម​ចំនួន​២០៣​នាក់ ដែល​មាន​ទីតាំង​ស្ថិត​នៅ​ក្នុងស្រុក​ព្រៃឈរ នា​ព្រឹក​ថ្ងៃ​ទី​២៣​វិច្ឆិកា ២០២០​។

Loading...

ឯកឧត្តម​អ៊ុ​ន ចាន់​ដា អភិបាលខេត្តបាន​មាន​ប្រសាសន៍​គូសបញ្ជាក់​ថា ​មន្ត្រី​នគរបាល​ដែល​បាន​ចូលរួម​រៀនសូត្រ​វគ្គ​បណ្ដុះបណ្ដាល​នេះ​គឺ​មក​ពី​រាជធានី​ភ្នំពេញ​និង​ខេត្តព្រៃ​វែង នេះ​ជា​គ្រឹះ​មួយ​សម្រាប់​យើង​ទៅ​បំពេញភារកិច្ច​ក្នុង​ពេល​ខាង​មុខ ក្រោយ​ពី​បាន​បញ្ចប់​ការ​សិក្សា​នៅ​សាលា តាម​ពិត​មន្ត្រី​នគរបាល​ដែល​បាន​ទទួល​ការ​រៀនសូត្រ​នៅ​វគ្គ​នេះ គឺ​មិន​ទាន់​មានចំណេះ​ដឹង​គ្រប់គ្រាន់​នៅឡើយ​ទេ​​ ដែល​តម្រូវ​ឱ្យ​មានការ​ទាមទារ​រៀន​សូត្រ​នៅ​វគ្គ​ផ្សេង​ៗ ដែល​នឹង​ធ្វើ​ឡើងជា​បន្តបន្ទាប់ សូម​បញ្ជាក់​ថា​នៅ​ក្នុង​ខេត្តកំពង់​ចាម​គឺ​មានការ​ស្នើ​សុំ​ទៅ​លោក​ព្រះរាជអាជ្ញា​អម​សាលាដំបូង​ខេត្ត ដោយ​បាន​ហៅ​មន្ត្រី​ថ្នាក់​ប៉ុ​ស្ត៏ នឹង​ស្រុក​មក​ទទួល​ចំណេះដឹង​តាម​ត្រជាក់​ការ​បង្រៀន ដោយ​ផ្ទាល់​ពី​លោក​ចៅក្រម​និង​ព្រះរាជអាជ្ញា ដោយ​រៀន​ពី​ការ​ជួញដូរ​មនុស្ស​ដែល​មាន​រយៈពេល​៣​ថ្ងៃ​នា​ពេល​កន្លង​មក​។

ឯកឧត្តម​អ៊ុ​ន ចាន់​ដា អភិបាលខេត្ត​មាន​ប្រសាសន៍​បន្ត​ថា​តាម​រយៈ​ការ​ចូលរួម​វគ្គ​បណ្ដុះ​បណ្ដាល​ខ្លី​ៗ​របស់​មន្ត្រី​នគរបាល​គឺ​មាន​អត្ថប្រយោជន៍​និង​ផ្ដល់​ចំណេះដឹង​កាន់តែ​ប្រុស​សាវា​ឡើង ហើយ​បម្រើ​ការងារ​នៅ​តាម​អង្គភាព​នីមួយ​ៗ​គឺ​ធ្វើ​យ៉ាងណា​ឲ្យ​ប្រជាពលរដ្ឋ​មានការ​ទុកចិត្ត​មក​លើ​នគរបាល​ក៏​ដូច​ជា​កងរាជអាវុធហត្ថ​ដោយ​យើង​ត្រូវ​ឈរ​លើ​ភាព​អព្យាក្រឹត​។

មួយវិញទៀត​នគរបាល​ត្រូវ​ចេះ​ស្តាប់​ការ​ណែនាំ​របស់​លោកស្នងការ​ក៏​ដូច​ជា​អគ្គស្នង​ការ​នគរបាល​ជាតិ ។​រូប​លោក​សូម​កោតសរសើរ​ដល់​មន្ត្រី​នគរបាល​ជំនាន់​ទី​១៤ ដែល​បាន​បរិច្ចាគ​ធនធាន​ផ្ទាល់ខ្លួន សរុប​ជាង​៤០​លាន​រៀល ដើម្បី​សាងសង់​ផ្លូវ​បេតុង​មួយ​ខ្សែ​នៅ​ក្នុង​បរិវេណ​សាលា​នគរបាល​ជាតិ​ភូមិភាគ​២ ខេត្តកំពង់ចាម ឲ្យ​កាន់តែ​មាន​សោ​ភ័ណ​ភាព​និង​ការ​អភិវឌ្ឍ​រីក​ចម្រើន​ដូច​សាលា​ផ្សេង​ៗ​ទៀត​នៅ​ក្នុង​ប្រទេស​កម្ពុជា​។

ដោយឡែក លោក​ឧត្តមសេនីយ៍ទោ​រ័​ត្ន ចំរើន​នាយក​សាលា​នគរបាល​ជាតិ​ភូមិភាគ​២ ខេត្តកំពង់ចាម ឲ្យ​ដឹង​ដែរ​ថា ជា​លទ្ធផល​នៃ​ការ​បណ្ដុះបណ្ដាល​សិស្ស​នគរបាល​ជ័យ​លាប​ភី​សរុប​ចំនួន​២០០​នាក់ ដែល​ត្រូវ​ទទួល​បាន​វិញ្ញាបនបត្រ​ការ​សិក្សា​ក្នុង​កម្មវិធី​នេះ ។​

នុង​នោះ​សិស្ស​ដែល​ទទួល​បាន​និទ្ទេស​មាន​ដូច​ខាងក្រោម
និទ្ទេស​A ល្អ​ប្រសើរ​ចំនួន​១​នាក់
និទ្ទេស​B ល្អ​ណាស់​ចំនួន​១៤​នាក់
និទ្ទេស​B ល្អ​ចំនួន​៣៧នាក់
និទ្ទេស​B ល្អ​បង្គួរ​ចំនួន៦០​នាក់
និទ្ទេស​D មធ្យម​ចំនួន​៨៨នាក់​៕ អត្ថបទ​ដោយ៖ យ៉ាន់ ចាន់ថេត​